Kanta 191

Tagikuaem ti Kinapudno

(2 Corinto 4:2)

1. Ti kinapudno ’sut’ dalan a panagbiag.

Dana a kasasay’atan.

Insuron’ Kristo ti pateg ti pannangted,

Ket kinaragsak iraman.

Akuem ti pudno.

Ti pammatim ’yebkasmo.

Gaput’ tigtignaymo makuna’a,

Tagikuaem ti kinapudno.

2. No Dios ’pangrunam isut’ idaydayawmo,

Toy lubong dimonton gayyem.

Kadagidiay a di mamati karkarna

Ta dalan Dios ’sut’ pinilim.

Akuem ti pudno.

Lubong ket adaywanyo.

Ni Jehova Dios ti adaniam,

Tagikuaem ti kinapudno.

3. Nupay no Diablot’ mangallilaw masapul

Sititibker a supringen.

Kabal pammati sierto a manalaknib,

Gayangna ket sarapaem.

Akuem ti pudno.

Pagammom planot’ Diablo.

No kabal Dios ikawesmonto

Tagikuaem ti kinapudno.

4. Pusot’ nagulib ket lasag ti nakapuy.

Masapulyo a labanan.

Ngem daytoy kabaelanyo a parmeken,

Ta Dios Gayyem ken Bumadang.

Akuem ti pudno.

Lissiam met kinakillo.

No bagim matngelmo makita’a

Tagikuaem ti kinapudno.