Kanta 34

Paneknekanmi ti Naganmi

(Isaias 43:10-12)

1. Nadayag, agnanayon a Jehova,

Nalinteg, di ma’rtapan ayatmo,

Paggubuayan kinapudno ken sirib,

Agturayka a kas Soberano.

Linaksa nga anghel agserbi kenka;

Parsuam, dayagmot’ inda idir-i.

Kas Saksim dakami ti inawagam;

Paneknekanmi kenkat’ naganmi!

2. Tulongannakam nga agdayaw kenka

Ken mangpakan iti karkarnero,

Addang ni Jesu-Kristot’ surotenmi

Ket ’pangagmit’ inna isursuro.

Ugalimi inaldaw annadanmi,

Amangan no dayawmot’ umsienda.

Kas Saksim dakkel iti gundawaymi;

Paneknekanmit’ naganmi kenka!

3. No ituloymi kenka ti agserbi,

Agtrabaho a sangsangkamaysa,

Inaldaw nga adda pannakapnekmi;

Agragsakkam no dayawendaka.

Paneknekanmi ti naganmi kenka;

Mangted biag a Saot’ iburaymi;

Ken kangrunaan inkam paragsaken,

Ti pusom, Jehova nga Arimi!