Kanta 163

Bungbunga ti Espiritu

(Galacia 5:22, 23)

1. Bungat’ nasantuan nga’spiritu

Parnuayen, salimetmetan,

Tapno Dios ti maidaydayaw,

Ket biag intay magun-odan.

Gapuna naynay nga insiaren

Dayta ayat a nadiosan,

Sansanentay met ti agrag-o,

Tapno amin maibturan.

2. Talna ti Dios kupikupantay

Tapno agrangpayat’ tunos.

Mabayag a panagitured,

Nasken tapno ma’ddat anus.

Ay, ti kinamanangngaasi!

Mangpalakat’ ipapangag,

Ti kinaimbag mangpasiglat

Tapno maiwarnaktay damag.

3. Bungat’ pammati mangpabileg

Kalatmot’ biag pakirdenna.

Maiwaksit’ ringringgor ken riri,

Gaput’ kinapakumbaba!

Panagteppeltay kasapulan,

Tapno ditay ket maparuar.

Parabur ti Dios magun-odan,

No kanayon ng’agyaplikar.