Kanta 185
Panagungar—Naayat a Saganat’ Dios
1. Ti panagungar ket asi
Naggubuay ’diay ngato,
Ni Kristo ti nangpasingked
Kas ayat ti Apo.
Bassit nga arban balangat
Ti biag maipaay.
Gaput’ kinamatalekda,
Indanto agturay.
2. Ti ulep dagiti saksi,
Biag magun-oddanto.
Nasay’at a panagungar
Kari a naipadto.
Sabsabali a karnero
Nga’itan pimmusayda
Masapada nga agungar
Diostot’ idayawda.
3. Amin met nga’ddat’ ’diay tanem
Kristontot’ mangngegda,
Ken daydi met mannanakaw,
Paraisot’ tawidna.
Kalpasan Milenio, adtoy
Suot a kaudian;
Amin a di maallilaw
Ti mabendisionan.
4. O natdat’ bassit nga arban
Ken umariwekwek,
’Padamag a ti pimmusay
Sumublidanto met.
Gapuna nga intay mapnuan
Aramid ti Apo,
Patay dina a malapdan
Ti gunggonatayo.