Siputam No Kasano ti Panagimdengmo

Napateg ti panagimdeng a naimbag iti itatabuno kadagiti kombension distrito. (Luc. 8:18) Kasanom a maparang-ay ti abilidadmo a dumngeg?

◼ Liklikam ti agbussog sakbay dagiti sesion.

◼ Ikararagmo ti panangipamaysam iti atensionmo iti programa.

◼ Iturongmo dagiti matam iti agpalpalawag.

◼ Inotarmo iti ababa dagiti kangrunaan a punto.

◼ Surotem ti pannakaibasa dagiti teksto a madakamat.

◼ Utobem ti material a maipalpalawag.

◼ Mangpanunotka kadagiti pamay-an no kasanom nga iyaplikar dagiti nangngegam.

◼ Kalpasan ti sesion, iranudmo kadagiti dadduma no ania dagiti nasursurom.

Kitaem ti Magunggonaan iti Edukasion nga Ipaay ti Teokratiko nga Eskuelaan ti Panagministro, panid 13-16.