GAMENG MANIPUD ITI SAO TI DIOS | EXODO 37-38
Dagiti Altar iti Tabernakulo ken ti Usarda iti Pudno a Panagdaydayaw
Dagiti altar iti tabernakulo ket naaramid maitunos kadagiti instruksion ni Jehova ken adda naisangsangayan a pategda.
Kas iti pannakapuor ti nasayaat ti panaglalaokna nga insienso, makaay-ayo ti kararag dagiti adipen ni Jehova
Inawat ni Jehova dagiti naidaton iti altar ti daton a mapuoran. Ti lokasionna iti sango ti santuario ipalagipna kadatayo a napateg ti panamati iti daton a pangsubbot ni Jesus tapno maay-ayotayo ni Jehova.—Jn 3:16-18; Heb 10:5-10
Kasanotayo nga isagana dagiti kararagtayo tapno agbalin a kas insienso iti sanguanan ti Dios?—Sal 141:2