KANTA 90
Agpipinnaregtatayo
Nayimprenta nga Edision
1. No intay agpipinnaregta
Nga agserbi ken Jehova,
Mataginayontay ti talna,
Ayattayo ket lumagda.
Amintay ket makapagibtur
No agpipinnategtayo.
Iti uneg ti kongregasion,
Natalged ti riknatayo.
2. Ti balikas a naintiempuan
Anian a makaliwliwa!
Dagiti pudno a gagayyem
Saodat’ makaparegta.
Nagsayaat ti makikadua
Kadagiti kapammatian.
Pabilgentay ti tunggal maysa.
Agtitinnulongtay koma.
3. Aldaw ti Dios ket asidegen;
Mapaspasungadantayon.
Ditay ngarud koma baybay-an
Ti panaggigimongtayo.
Agnanayontay nga agserbi
Ken Jehova a Diostayo.
Tapno saantay a maiwawa,
Agpipinnaregtatayo.
(Kitaem met ti Luc. 22:32; Ara. 14:21, 22; Gal. 6:2; 1 Tes. 5:14.)