KANTA 89
Dumngeg, Agtulnog, ket Mabendisionan
1. No umimdengtay ken ni Jesu-Kristo,
Isuro ken idalannatayo.
Maragsakantay a makasursuro,
Ngem nasken met nga agtulnogtayo.
(KORO)
Ti dumngeg ken agtulnog
Ket mabendisionanto.
No Saot’ Dios denggem ken tungpalem,
Bendision ti sagrapem.
2. No ti pannursuro ni Jesu-Kristo
Ket ipangag ken tungpalentayo,
Kasla bato ti intay nagbangonan,
Saan ket nga iti kadaratan.
(KORO)
Ti dumngeg ken agtulnog
Ket mabendisionanto.
No Saot’ Dios denggem ken tungpalem,
Bendision ti sagrapem.
3. Arigtayo ti kayo a nabunga
A naimulat’ igid ti karayan.
Magun-odtay biag nga awan inggana
No ni Jehova ti pagtulnogan.
(KORO)
Ti dumngeg ken agtulnog
Ket mabendisionanto.
No Saot’ Dios denggem ken tungpalem,
Bendision ti sagrapem.
(Kitaem met ti Deut. 28:2; Sal. 1:3; Prov. 10:22; Mat. 7:24-27; Luc. 6:47-49.)