Ti Ayat nga Inyulidan ti Dios

1. Dios ti ulidan nga intay suroten;

Ayatna tuladen.

Kinadungngona inna impakita

Kadagiti aramidna.

Ti patpatgenna, mismo nga anakna,

Isut’ intedna a kas pangsubbotna

Tapno basbasol ket mapakawanna.

Ni Jehova ket Dios ti ayat.

2. No pudnot’ ayattayo ken Jehova,

Kakabsat ayaten.

Kabbaro man ken uray nabayagen,

Padapada a kalangen.

Pagkurkurangan ket intay palabsen;

Sakit ti nakem ditay agipempen.

Intay tuladen ayat ni Jehova.

Kastat’ ayat ti agkakabsat.

3. Pudno nga ayat ket mamagkaykaysa

Kas iti pamilia.

Aw-awisennatayo ni Jehova

Tapno intay agkaykaysa.

Ayat, rag-otay ket naidumduma

Maigaput’ tulong ti espirituna

Ken kakabsattay a kapinnaregta.

Ni Jehova ket Dios ti ayat.