“Ti Dios ti Rumbeng a Pagtaklinak”

Naibati ti sumaganad a surat iti Kingdom Hall dagiti Saksi ni Jehova idiay Edmonton, Alberta, Canada.

“Patgek a Mensahero:

“Nakapagsuratak tapno agyaman iti tao a nalabit dina ammo nga adda naisangsangayan a naaramidna iti biagko.

“Dua a lawasen ti napalabas, nagsinnungbatkami ken ni lakayko. Kaibagbagak ti, ‘Nakaro daytoy, ket talaga a diak ammo no maibturak pay.’ Kalpasanna, naguni ti doorbell. Adda Saksi ni Jehova iti ridawmi, ket naladaw unayen tapno aglemmengak.

“Idi linukatak ti ridaw, talaga a nasdaawak unay iti nangngegko. Malaglagipko ti sasao nga ‘annak’ ken ‘pamilia.’ Adda inruar ti lalaki a libro a napauluan Ti Sekreto ti Kinaragsak iti Pamilia. Nakasangitak idi nakitak ti paulona, ket diak napengdan ti nagsangit. Tinangadnak ken nagpadispensar iti panangisturbona kaniak, intedna ti libro, sa pimmanaw.

“Ania ti naisangsangayan a napasamak? Napalagipanak a no diak ammo ti aramidek, diak rumbeng nga agdanag agsipud ta ammo ti Dios. Ti Dios ti rumbeng a pagtaklinak. Nangibaon pay ketdi iti mensahero. Pagyamanan.”

Matulongan ti libro a Ti Sekreto ti Kinaragsak iti Pamilia ti tunggal miembro ti pamilia. Ti sumagmamano kadagiti makaisuro a kapitulona ket “Salaknibanyo ti Pamiliayo Kadagiti Makadadael nga Impluensia,” “Taginayonenyo ti Talna iti Sangakabbalayanyo,” ken “Mapagballigianyo Dagiti Parikut a Mangdadael iti Pamilia.”

Tapno maaddaanka iti kopia, pangngaasim ta suratam ken ibusonmo ti naipakuyog a kupon iti direksion a makita iti kupon wenno iti maitutop a direksion a nailista iti panid 5 daytoy a magasin. Makaawatkanto kadagiti espesipiko a singasing a makatulong kenka a mangrisut kadagiti parikut ken mamagbalin iti biag ti pamiliam a makaay-ayo a maitunos iti panggep ti Namarsua.

□ Patulodandak iti libro a Ti Sekreto ti Kinaragsak iti Pamilia.

□ Interesadoak a maaddaan iti libre a panagadal iti Biblia iti pagtaengan.