Kinaranggas ti Tao—Agpatingganto Pay Aya?
Maysa a kopia ti Marso 8, 2000 a ruar ti Agriingkayo! a mangisalsalaysay iti kontrobersial a parikut maipapan iti panangtagabo, a nakalkaldaang nga adda pay laeng iti adu a paset ti lubong, ti naited iti Minister for Social Solidarity idiay Italia a ni Livia Turco. Kas panangbigbig, kastoy ti insuratna iti sanga nga opisina dagiti Saksi ni Jehova idiay Italia:
“Dagiti pamay-an ti panangtagabo iti kaaldawantayo, a mangap-apektar a nangnangruna kadagiti babbai ken ubbing, ti agkasapulan iti naganat unay a panangtaming tangay minilion a tattao ti agsagsagaba pay laeng kadagiti naranggas a kasasaad.” Inngudona: “Nagdakkel a tulong ti tunggal opinion a mangbusor iti daytoy di makaay-ayo a kinapudno, ket mas epektibo dayta no makadanon iti publiko a kas iti kinaadu dagiti agbasbasa iti [Agriingkayo!].”
Gapu iti pannakaiwaras ti nasurok a 20 a milion a kopia iti tunggal ruar ti Agriingkayo! iti 82 a lenguahe, saan laeng a mapakaammuan ti minilion nga agbasbasa iti kaipapanan dagiti parikut iti kaaldawantayo no di ket maipaayanda met kadagiti naibasar-Biblia a solusion kadagitoy.
Ngem agtultuloy latta a mayimtuod, No talaga nga adda Dios, apay nga ipalpalubosna ti nakaro a panagsagaba dagiti inosente a tattao? Adu ti mangpampanunot, ‘Kasano a maayatko ti Namarsua a nakabatbatad ti kinasiribna kadagiti nakaskasdaaw a parsua ngem kasla dina man la kaasian dagiti tattao iti kaaldawantayo?’ Dagita a saludsod ket masungbatan iti makapnek a wagas iti broshur a Pudno Aya a Maseknan ti Dios Kadatayo? Mabalinmo ti agkiddaw iti maysa a kopia babaen ti panangsurat iti naipakuyog a kupon ken panangibusonmo iti dayta iti address a makita iti kupon wenno iti maitutop nga address a nailista iti panid 5 daytoy a magasin.
□ Patulodandak iti broshur a Pudno Aya a Maseknan ti Dios Kadatayo?
□ Interesadoak iti libre a panagadal iti Biblia iti pagtaengan.