“Sobra Unay ti Linaonna a Planeta”—Adda Kadi Solusionna?
Nakadanon ti populasion ti lubong iti tallo a bilion idi 1960. Nadoble dayta a dagup idi tawen 2000. “Umad-adu ti tattao iti kapartak a lima ti maipasngay iti kada segundo,” sigun iti periodiko a Vancouver Sun. Ti lubong ket addaanen iti 23 a dadakkel a siudad nga addaan iti populasion a nasurok a sangapulo a milion nga umili, ken inton 2025, manamnama a makadanon iti sangapulo a bilion ti populasion ti lubong!
Madanagan dagiti sientista iti rigat nga ibunga ti kasta nga iyaadu iti delikadon a sistema ti ekolohia ti daga. Tunggal baro nga umili ket agkasapulan iti taraon, danum, ken pagtaengan, ket bayat nga umad-adu ti populasion, umad-adu dagiti makonsumo ken maibasura. Maysa a karit ti panangtarawidwid iti di makontrol nga iyaadu dagiti nagdadakkel a siudad. Sigun iti Sun, dagitoy a nagdadakkel a siudad ti ‘mangkonsumo iti kinabaknang dagiti kabangibangda a lugar sada agpataud iti nagadu a makapapatay a basura.’
Adda kadi solusion ti naawagan a “sobra unay ti linaonna a planeta?” Makaparagsak ta ikari ti Biblia a bumallaetto ti Dios kadagiti aramid ti tattao. Ammuem no kasano nga aramidenna daytoy ken no ania ti ibungana. Maammuam dayta no agpedidoka iti libro a Pannakaammo a Mangiturong iti Biag nga Agnanayon. Awisendaka nga agkiddaw iti kasta babaen ti panangsuratmo iti naipakuyog a kupon ken panangibuson iti address a makita iti kupon wenno iti maitutop nga address iti panid 5 daytoy a magasin.
□ Patulodandak iti libro a Pannakaammo a Mangiturong iti Biag nga Agnanayon.
□ Interesadoak iti libre a panagadal iti Biblia iti pagtaengan.