Maaw-awiskayo​—Addakayto Aya Sadiay?

MAAW-AWIS ITI ANIA? Iti kapatgan a taripnong a tinawen nga ang-angayen dagiti Saksi ni Jehova​—ti pananglaglagip iti ipapatay ni Kristo, a naibasar iti inrugina a Pangrabii ti Apo. Kastoy ti ibaga kadatayo ti salaysay ni Mateo: “Ni Jesus nangala iti tinapay ket, kalpasan ti panangisaona iti pamendision, pinispisina ket, idi intedna kadagiti adalan, kinunana, ‘Alaenyo, kanenyo. Daytoy kaipapananna ti bagik.’ Kasta met, nangala iti kopa ket, idi nakapagyamanen, intedna kadakuada, a kunkunana: ‘Uminumkayo manipud iti dayta, dakayo amin; ta daytoy kaipapananna ti bukodko a “dara ti tulag,” a maiparukpok maigapu iti adu maipaay iti pannakapakawan dagiti basol.’”​—Mateo 26:26-28.

Ti kinapateg dagitoy a sasao ket mailawlawag inton marambakan ti Pangrabii ti Apo iti daytoy a tawen a maangay inton Huebes, Marso 28, kalpasan ti ilelennek ti init. Namnamaenmi nga addakayto sadiay. Pangngaasiyo ta makiumankayo kadagiti Saksi ni Jehova para iti eksakto nga oras ken lugar a pakaangayan ti taripnong iti lugaryo. Sibabara nga abrasaendakayto.