Adda Agpalpaliiw Idi Kadakuada

DUA a tin-edyer ti namigat iti restawran iti maysa a bassit nga ili idiay Ohio, E.U.A. Kas nakairuamanda, nagdumogda sakbay a nanganda ket nagkararagda a siuulimek.

Kalpasanna, maysa a babai nga agpalpaliiw kadakuada ti immasideg iti lamisaanda ket pinidutna ti listaan ti babayadanda. Imbagana kadakuada: “Iti lubong a nagadu ti dakes a madamdamagmi maipapan kadagiti agtutubo, makaay-ayo a kitaen ti dua nga agtutubo a lallaki a mangiwaya iti panawenda nga agyaman iti Dios gapu iti taraonda. Kayatko a bayadan ti pamigatyo.”

Di nakauni dagiti agtutubo ngem nakapagyamanda met laeng idi agangay. Kalpasanna, napanunotda a dida maipalubos a pagarupen ti babai a nagkararagda iti kumporme lattan a Dios. Isu a maysa kadakuada ti immasideg iti babai, ket kalpasan a nagyaman manen kenkuana, inlawlawagna a Saksi ni Jehova-da.

Nakairuaman dagiti Saksi ni Jehova nga adalen ti Biblia a kadua ti pamiliada. Kasta ti inaramid ti nagannak dagitoy nga agtutubo. Maysa kadagiti publikasion nga inadal ti pamilia ket ti Pannakaammo a Mangiturong iti Biag nga Agnanayon. Maipapan iti panagkararag ti maysa kadagiti 19 a kapitulo daytoy a libro ken napauluan iti “No Kasanoka a Makaadani iti Dios.”

Mabalinmo ti agkiddaw iti kopia daytoy 192-panidna a katulongan iti panagadal iti Biblia babaen ti panangsuratmo iti naipakuyog a kupon ken panangibusonmo iti dayta iti address a naipaay wenno iti maitutop nga address iti panid 5 daytoy a magasin.

□ Patulodandak iti libro a Pannakaammo a Mangiturong iti Biag nga Agnanayon.

□ Pakaammuandak maipapan iti libre a panagadal iti Biblia.