“Dimteng iti Umiso a Tiempo”

DAYTA ti insurat ti maysa a lalaki a taga siudad ti Abakaliki iti sanga nga opisina dagiti Saksi ni Jehova idiay Nigeria. Tuktukoyenna ti broshur a No Adda Matay nga Ay-ayatenyo, a nabiit pay idi a naited kenkuana. Inlawlawagna:

“Natay ti patpatgek nga asawa a ni Tochi kalpasan a nagpasngay idi Hunio 18, 2000. Nasurok a makabulan kalpasanna, diak pay laeng nailiwliwag ti pannakakellaat, pannakabibineg, pannakaikawa, ken di panamati iti maysa kadagiti kakas-angan a trahedia a napasamak kaniak. Pagammuan ta idi Hulio, maysa kadagiti Saksi ni Jehova ti nangted kaniak iti kopia ti publikasionyo a No Adda Matay nga Ay-ayatenyo. Ti broshur ket kasla agas, isu nga in-inuten a mangabaruananak​—gapu iti pammagbagana. Talaga a liniwliwanak ta kalpasan ti nakalkaldaang a pasamak iti biagko, adda anaraar ti namnama.”

Nalabit maliwliwaka a mangbasa wenno adda am-ammom a maliwliwa inton mabasana daytoy 32 ti panidna a broshur. Mabalinmo ti agkiddaw iti kopiam babaen ti panangsurat ken panangibusonmo iti naipakuyog a kahon iti address a makita iti kupon wenno iti maitutop nga address iti panid 5 daytoy a magasin.

□ Ikkandak iti broshur a No Adda Matay nga Ay-ayatenyo.

□ Interesadoak iti libre a panagadal iti Biblia.