No Matay ti Maysa nga Anak

◼ Ti ipapatay ti maysa nga anak ket nakalkaldaang kadagiti naulila, nangruna iti nagannak. Kastoy ti insennaay ti maysa nga ina a natayan iti barona nga agtawen iti 16 gapu ta grabe ti pannakauramna iti nakaro nga aksidente: “Saan nga impalubos ti Dios a dakami ti matay imbes a dagiti annakmi. Dina met impalubos a mataykami a kadua ti annakmi.”

Ngem adda in-inanamaenna kas iti inlawlawagna: “Insuro ti Dios kadakami ti kinapudno maipapan iti ipapatay, ket gapu iti daytoy, saan unay nga agsakit ti nakemmi nga agassawa ken nalimbong latta ti panagpampanunotmi.” Bigbigenna a “saan a nakem ti Diosmi ti napasamak iti baromi, ket panggepna a pagungaren inton paraison ti daga. Ar-arapaapenmi a makitaminto ti baromi a sibibiag, nasalun-at, ken naragsak nga agbibiag a kadua ti gagayyem ken pamiliana.”

Nupay kasta, uray dagidiay sigurado a mangnamnama iti kari ti Dios a panagungar kasapulanda ti liwliwa, a dayta ti siyayaman nga aw-awaten daytoy nga ina manipud iti adu gagayyemna. Kastoy ti insuratna: “Adu kadagiti Nainkasuratan a punto ken aramid a pakakitaan iti kinamanangngaasi a napasaranmi ti nagtaud iti broshur a No Adda Matay nga Ay-ayatenyo. Paregtaenmi ti amin a mangbasa iti dayta tapno ad-adda a maawatanda ti sasaadenmi ken ti ladingit a kanayon a marikriknami.”

Nalabit maliwliwaka wenno adda am-ammom a maliwliwanto met a mangbasa iti No Adda Matay nga Ay-ayatenyo. Mabalinmo ti agkiddaw iti kopia no suratam ti naipakuyog a kupon ken ibusonmo dayta iti adres a makita iti kupon wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti broshur a No Adda Matay nga Ay-ayatenyo.

□ Interesadoak iti libre a panagadal iti Biblia.