“Nakasaysayaat!”

“Makaay-ayo a basaen dayta a libro, makaisuro dagiti ladawanna, dakkel ti maitulong ti apendisena tapno magun-odan ti kanayonan nga impormasion, ken talaga a makaguyugoy iti maysa a tao. Nakasaysayaat!”​—John ken Paula.

“Ti Ania a Talaga ti Isursuro ti Biblia? ket nakalawlawag ken nakasimsimple! Sigurado a gutugotenna dagiti kabbaro nga agad-adal iti Biblia a mangiwaksi iti amin a manglapped iti irarang-ayda nga agserbi ken Jehova buyogen ti naan-anay a puso. Nalabit madlawyo a di mayebkas babaen iti sasao laeng ti ragsakko iti daytoy a libro.”—Joe.

“Talaga a naisuratyo ti agpayso a pampanunoten ken pakaseknan dagiti tattao. Naipaayyo met ti amin a sungbat manipud iti Biblia a Sao ti Dios.”—Robert.

“Nakasaysayaat a talaga dayta a libro ken naisurat iti sasao a nalaka ken nalawag a maawatan. Sigurado nga adu a puso ti matukayna.”—Norma.

Ti libro nga Ania a Talaga ti Isursuro ti Biblia?—nga addaan kadagiti de kolor a ladawan ken 224 a panid—ket mabalinen a magun-odan iti nasurok a 140 a pagsasao. No kayatmo ti agkiddaw iti kopiam, suratam ti naipakuyog a kahon ken ibusonmo dayta iti naipaay nga adres wenno iti maitutop nga adres iti panid 5 daytoy a magasin.

Agkiddawka iti kopiam!

□ Kayatko ti maaddaan iti libro nga Ania a Talaga ti Isursuro ti Biblia?

□ Interesadoak iti libre a panagadal iti Biblia.