Maysa nga Okasion a Diyo Liwliwayan

“Itultuloyyo nga aramiden daytoy kas panglaglagip kaniak.” Dagitoy a sasao ni Apotayo a Jesu-Kristo, a masarakan iti Lucas 22:19, ket nayebkas idi inyussuatna ti Panglaglagip iti ipapatayna. Gapu iti ipapatay ni Jesus, naluktan para iti sangatauan ti namnama a biag nga agnanayon iti Paraiso a daga. No kasta, ti ipapatayna ket maysa a banag a masapul a laglagipentayo.

Tabunuanyo kadi dayta a Panglaglagip iti daytoy a tawen?

Awisendakayo dagiti Saksi ni Jehova a makitaripnong kadakuada a manglaglagip iti daytoy a napateg nga okasion. Maangayto daytoy a panangrambak kalpasan ti ilelennek ti init iti petsa a katupag ti Nisan 14 iti kalendario ti Biblia a naibatay iti bulan. Iti daytoy a tawen, maangay dayta inton Lunes, Abril 2. Ibaganto dagiti Saksi ni Jehova no sadino ken no ania nga oras a maangay dayta nga okasion iti lugaryo.