Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • g 11/07 p. 29
  • Ti Di Agkupas nga Ebkas ti Ayat ti Dios

Awan video-na ti napilim.

Pasensiakan, adda problema iti pannakai-load ti video.

  • Ti Di Agkupas nga Ebkas ti Ayat ti Dios
  • Agriingkayo!—2007
  • Umasping a Material
  • Utobem ti Di Agkupas nga Ayat ni Jehova
    Ti Pagwanawanan Mangibumbunannag iti Pagarian ni Jehova—2015
  • “Adtoy! Pagbalinek Dagiti Isuamin a Bambanag a Baro”
    “Adtoy! Pagbalinek dagiti Isuamin a Bambanag a Baro”
  • Adda Kadi Dios? Ania ti Epektona Kenka no Mamatika?
    Agriingkayo!—2015
  • Ti Pudno nga Ayat Makagunggona
    Ti Pagwanawanan Mangibumbunannag iti Pagarian ni Jehova—1990
Kitaen ti Ad-adu Pay
Agriingkayo!—2007
g 11/07 p. 29

Ti Di Agkupas nga Ebkas ti Ayat ti Dios

TI PITO a pagsidsiddaawan iti nagkauna a lubong ket naawagan a kasta gapu ta pagamangaenda dagiti tattao. Ngem dagiti laengen piramid ti nabati kadagita. Iti kasumbangirna, adda pay laeng ti Biblia ken siuumiso a mayal-allatiw agingga iti kaaldawantayo nupay insurat dagiti nanumo a tattao kadagiti marunot a material. Naan-anay a makapagtalektayo iti daytoy naisangsangayan a libro.—Isaias 40:8; 2 Timoteo 3:16, 17.

Idi impasuratna ti kapanunotanna, sinigurado ni Jehova a Dios a mayallatiw dayta a di maimpluensiaan iti kapanunotan ti tao. Maysa pay, dagiti nababa ti adalna nalaklakada a maawatan ti Biblia gapu ta simple dagiti sasao nga inusar dagiti mannurat a pinaltiingan ti Dios. (Aramid 4:13) Saan kadi a rumbeng laeng a kasta ti namnamaentayo iti Namarsua ken kadagiti pinaltiinganna a mannurat? Malaksid iti dayta ti nasaknap a pannakaiwarasna ti maysa pay a pammaneknek nga ay-ayaten unay ti Dios ti sangatauan, iti aniaman a pagilian wenno pagsasao. (1 Juan 4:19) Imbes a maipababa, maitandudo ketdi ti pateg ti Biblia gapu iti kinalakana a magun-odan!

Dagiti linaon ti Biblia ket mangipaay iti ad-adu pay a pammaneknek iti ayat ti Dios. Kas nakitatayon kadagiti immuna nga artikulo, inlawlawag ti Sao ti Dios no nagtaudantayo, no apay nga ababa ken nariribuk ti biag, ken no kasano a risuten ti Dios dayta a kasasaad babaen ti Pagarianna. Inusigtayo met ti sumagmamano nga agkakaimbag a balakad ti Biblia no kasano a masagrap ti naragsak ken makagunggona a biag uray ita. (Salmo 19:7-11; Isaias 48:17, 18) Kangrunaan iti amin, naammuantayo no kasano nga alangonen ti Namarsua ti naganna manipud kadagiti amin a panangumsi ni Satanas.—Mateo 6:9.

Adda pay kadi sabali a libro a napatpateg, makaisuro, praktikal, ken mangipaay iti natalged a namnama iti marigrigatan a sangatauan? Wen, saan a kas iti pito a pagsidsiddaawan iti nagkauna a lubong a kaaduan ti naaramid a mangidayaw kadagiti didiosen wenno nabileg a tattao, ti Biblia ket pudno nga ebkas ti di agkupas ken di agimbubukodan a panagayat ni Jehova iti sangatauan.

Apay a diyo usigen a personal ti Kasuratan? Iti agdama, mangikonkondukta dagiti Saksi ni Jehova iti libre a panagadal iti Biblia kadagiti nasurok nga innem a milion a tattao iti intero a lubong. Ibilangda a pribilehio ti tumulong kadagiti napasnek a tattao tapno mapaneknekanda a mapagtalkan ti Biblia ken naipaltiing a Sao ti Dios.—1 Tesalonica 2:13.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share