Kaykayatna Ngem iti Aniaman nga Ay-ayam

Posible kadi nga ad-adda a magustuan dagiti ubbing ti maysa a libro ngem kadagiti ay-ayam? Wen, no la ketdi ta dagiti nagannak iruamda dagiti annakda iti libro sipud iti kinamaladagada. Sipud nayawid manipud ospital, ti kaipaspasngay nga anak da Mebrahtu ken Angela a taga-California, E.U.A. ket rinugiandan nga ibasaan iti libro nga Agsursuroka iti Naindaklan a Mannursuro.

“Kas resultana,” insurat dagiti nagannakna, “nasursurona nga ipateg ti libro a Mannursuro. Idi makatawenna pay laeng, kidkiddawennan nga ibasami kenkuana ti aw-awaganna a libro ni Jesus. Tallon ti tawen ni Julianna ken inaldaw a segseggaanna ti nasinged a panagkakaduami a sangapamiliaan tapno isu ket ibasaanmi. Saan a panaglablabes ti panangibaga nga ad-adda a magustuan ti anakmi dayta a libro ngem iti aniaman nga ay-ayam. Dagiti ladawan ken ilustrasion a linaon ti libro ket makatulong a pangisuro isu a nagadu met ti masursuromi kas nagannakna.”

Mabalinmo ti agkiddaw iti kopia daytoy 256 ti panidna a nagpintas a libro a kadkadakkel daytoy a magasin. Suratam laeng ti naipakuyog a kahon ken ipatulodmo dayta iti adres a naipaay wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti libro a naipakita ditoy.

□ Interesadoak iti libre a panagadal iti Biblia.