Libro Para iti Amin a Tao

Iti panagkunayo, ania a libro ti maitutop iti nadakamat a paulo? Maysa a babai iti Colorado, E.U.A., ti nakaawat iti broshur a napauluan iti Libro Para iti Amin a Tao, a mangilawlawag no ania ti linaon ti Biblia ken no apay a napateg a basaen dayta ti isuamin. Kas panagyamanna iti dayta a broshur, kastoy ti ababa a suratna:

“Talaga a nagustuak. Diak malapdan a basaen agingga a nalpasko. Imparangna ti amin a tampok iti Sao ti Dios, ken nagsayaat ti panangilawlawagna no kasano nga agtunos ti Biblia ken ti siensia. Ibaga ti broshur no kasano a naipatarus ti Biblia tapno mabasa dayta ti amin a tattao ken no kasano a nakalasat dayta.”

Wen, ti Biblia ti kasayaatan ken kasaknapan kadagiti amin a libro a naisurat iti intero a historia. Nupay naisurat dayta agarup 2,000 a tawen ti napalabasen, umiso dayta maitunos iti siensia ken praktikal a giya dagiti pannursurona iti moderno a panawen.

Mabalinmo ti agkiddaw iti kopia daytoy a 32-panid a broshur babaen ti panangsuratmo iti naipakuyog a kupon ken ibusonmo iti adres nga adda iti kupon wenno iti maitutop nga adres iti panid 5 daytoy a magasin.

□ Kayatko ti maaddaan iti libre a kopia ti broshur a naipakita ditoy.

□ Interesadoak iti libre a panagadal iti Biblia.