“Ita La a Naammuak nga Adda Nagan ti Dios”
◼ Kasta ti imbaga ti maysa a babai kalpasan a nabasana ti libro nga Ania a Talaga ti Isursuro ti Biblia? “Ngem nainkalintegan laeng dayta,” intuloyna. “Idi linukatak ti bukodko a Biblia, talaga nga adda nadakamat a nagan ti Dios!” Inlawlawagna: “Ita pay la a nakabasaak iti libro maipapan iti Biblia a makatulong unay ken nalaka a maawatan!”
Ti libro nga Isursuro ti Biblia ket saanna la nga ipakaammo ti orihinal a panggep ti Dios a panagbalin ti daga a paraiso no di ket ibatadna pay no kasano a maibanag dayta a panggep. Ipalgak dayta a libro ti nagpateg nga akem ni Jesu-Kristo nga Anak ti Dios iti pannakaibanag dayta a panggep. Nailanad iti dayta ti panangilawlawag ti Biblia no apay a lumakay wenno bumaket ken mataytayo, no apay nga ipalpalubos ti Dios ti panagsagaba, ken no kasano nga ikkaten ti Pagarian ti Dios ti amin a panagsagaba.
Nupay tallo pay la a tawen ti napalabas sipud idi naipablaak ti libro nga Isursuro ti Biblia, nasuroken a 79 a milion a kopia ti nayimprenta iti 220 a lenguahe. Mabalinmo ti agkiddaw iti kopia babaen ti panangsuratmo iti naipakuyog a kupon ken ipatulodmo dayta iti adres a makita iti baba wenno iti maitutop nga adres a nailista iti panid 5 daytoy a magasin.
□ Kayatko ti maaddaan iti kopia ti libro a naipakita ditoy.
□ Interesadoak iti libre a panagadal iti Biblia.