Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • g 12/08 pp. 3-4
  • Apay nga Addatayo Ditoy?

Awan video-na ti napilim.

Pasensiakan, adda problema iti pannakai-load ti video.

  • Apay nga Addatayo Ditoy?
  • Agriingkayo!—2008
  • Subtitulo
  • Umasping a Material
  • Dagidiay Agsalsaludsod
  • Naballigi a Panagdaliasat iti Biag
  • Liniwliwa ti Diosna
    Ti Pagwanawanan Mangibumbunannag iti Pagarian ni Jehova—2011
  • Naliwliwa Gapu iti Diosna
    Tuladenyo ti Pammatida
  • Adda Kadi Aniaman a Panggep ti Biag?
    Ti Pagwanawanan Mangibumbunannag iti Pagarian ni Jehova—2011
  • Agmatalekkayo Kadi a kas ken Elias?
    Ti Pagwanawanan Mangibumbunannag iti Pagarian ni Jehova—1997
Kitaen ti Ad-adu Pay
Agriingkayo!—2008
g 12/08 pp. 3-4

Apay nga Addatayo Ditoy?

Ania ti panggep ti biag?

DAGITA ti masansan nga isaludsod dagiti tattao. Malaksid iti dayta, iyimtuodda pay: Kastoy ngata lattan ti biag nga agpaut laeng iti 70 wenno 80 a tawen kalpasanna mataytayo, wenno adda manamnamatayo a nasaysayaat pay ngem iti daytoy?​—Salmo 90:9, 10.

Nalabit satay la mapanunot dagita a saludsod no mabigbigtayo a nagababa a talaga ti biag. Siempre, saan a masapul nga agpeggad pay ti biagtayo sakbay a mapanunottayo no apay nga addatayo ditoy. Mabalin a maisaludsodtayo met dagita no maup-upaytayo. Ken dadduma ti mangisaludsod iti dayta bayat nga ut-utobenda ti kabibiagda.

Dakkel ti sueldo ni Dave, napintas ti apartment-na, ken tagtagiragsakenna ti makilangen kadagiti adu a gagayyemna. Kinunana: “Naminsan, iti naladaw a panagawidko manipud iti maysa a pasken, simmiplot iti panunotko ti saludsod a, ‘Kastoy la kadin ti biag?​—Agbiagak la kadi iti sumagmamano a tawen kalpasanna matayakon, wenno adda nasaysayaat pay a biag?’ Iti dayta a kanito, nasdaawak a nakaamiris a kawaw gayam ti biagko.”

Iti librona a Man’s Search for Meaning, kinuna ni Viktor Frankl a kasta met la ti saludsod ti dadduma kadagiti padana a nakalasat iti Holocaust kalpasan a nawayawayaanda kadagiti kampo konsentrasion. Idi nakaawiddan, natakuatan ti dadduma kadakuada a natay gayamen dagiti ing-ingungotenda. Insurat ni Frankl: “Nakaay-ay-ay daydiay nakaragpat iti in-inanamaenna ngem saan met gayam a kas iti impagarupna!”

Dagidiay Agsalsaludsod

Sipud pay idi, mayim-imtuoden ti saludsod nga: Apay nga addatayo ditoy? Ti Biblia dakamatenna dagiti tattao a nagsaludsod met maipapan iti panggep ti biagda. Kalpasan a napukaw ni Job ti kinabaknangna ken dagiti annakna, ken bayat nga ib-ibturanna ti naut-ot a sakitna, inyimtuodna: “Apay a saanak a natay manipud iti aanakan? Apay a saanak a rimmuar manipud iti mismo a tian ket kalpasanna nauyos ti biagko?”​—Job 3:11.

Kasta met ti narikna ni propeta Elias. Gapu ta impagarupna a maymaysan nga agdaydayaw iti Dios, inyasugna: “Umanayen dayta! Ita, O Jehova, alaem ti kararuak.” (1 Ar-ari 19:4) Gagangayen ti kasta a karirikna. Kinapudnona, ti Biblia tinukoyna ni Elias kas ‘maysa a tao nga addaan rikna a kas kadatayo.’​—Santiago 5:17.

Naballigi a Panagdaliasat iti Biag

Ti biag ket masansan a mayarig iti panagdaliasat. No kasano a mabalinmo ti agbiahe uray awan ti masinunuo a papanam, mabalinmo met ti agbiag uray saanmo nga ammo ti pudno a panggepna. No pudno dayta kenka, mabalin a maisagmakka iti inawagan ti nalatak a mannurat a ni Stephen R. Covey a “kinaokupado ti biag.” Dinakamatna ti maipapan kadagidiay “nakagun-od kadagiti awan serserbina a balligi gapu ta naisakripisioda dagiti nakapatpateg a banag ngem naladawen sakbay a nabigbigda dayta.”

Saanka kadi nga umanamong nga awan serbina a papartaken ti panagbiahetayo no saan met nga umiso ti direksion a pagturturongantayo? Umasping iti dayta, ti panagbalin nga ad-adda nga okupado dina maipaay ti pudno a panggep ti biag no di ket kinakawaw ken parparawpaw a pannakapnek.

Aniaman ti kultura ken edadtayo, kayattayo amin a maammuan no apay nga addatayo ditoy. Maigapu dayta iti maysa a nakapatpateg a kasapulantayo, maysa a naespirituan a tarigagay a saan a mapennek uray addaantayo kadagiti material a kasapulan. Usigentayo no kasano a ti dadduma pinadasda a penken daytoy a kasapulan bayat a birbirokenda ti panggep ti biag.

[Blurb iti panid 4]

Ti panagbalin nga ad-adda nga okupado dina maipaay ti pudno a panggep ti biag no di ket kinakawaw ken parparawpaw a pannakapnek

[Ladawan iti panid 3]

Inyimtuod ni Job no apay a nayanak

[Ladawan iti panid 4]

Addaan ni Elias iti “rikna a kas kadatayo”

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share