Pannakaidadanes
Apay a namnamaen dagiti Kristiano a maidadanesda?
Apay a masapul nga agpatulongtayo ken Jehova no maidadanestayo?
Sal 55:22; 2Co 12:9, 10; 2Ti 4:16-18; Heb 13:6
Makatulong a salaysay iti Biblia:
1Ar 19:1-18—Idi naidadanes ni propeta Elias, imbukbokna ti linaon ti pusona ken Jehova isu a pinaregta ken liniwliwa ni Jehova
Ara 7:9-15—Ni Jose ket indadanes dagiti kakabsatna, ngem tinultulongan latta ken insalakan ni Jehova ken inusarna pay a mangisalakan iti pamiliana
Ania ti nagduduma a kita ti pannakaidadanes?
Pananginsulto wenno pananglais
2Cr 36:16; Mt 5:11; Ara 19:9; 1Pe 4:4
Makatulong a salaysay iti Biblia:
2Ar 18:17-35—Ti Rabsake, ti pannakangiwat ti ari ti Asiria, ininsultona ni Jehova ken linaisna dagiti umili ti Jerusalem
Lu 22:63-65; 23:35-37—Ni Jesus ket ininsulto ken linalais dagiti nangidadanes kenkuana idi naaresto ken idi nakalansa iti kayo a pagtutuokan
Ibubusor dagiti kapamilia
Pannakaaresto ken pannakaisaklang kadagiti autoridad
Pannakadangran iti pisikal
Panangatakar ti maysa a grupo
Pannakapapatay
Ania koma ti aramiden dagiti Kristiano no maidadanesda?
Mt 5:44; Ara 16:25; 1Co 4:12, 13; 1Pe 2:23
Makatulong a salaysay iti Biblia:
Ara 7:57–8:1—Uray dandanin matay ti adalan a ni Esteban gapu iti panangubor dagiti tattao, inkararagna a kaasian latta koma ti Dios dagiti nangidadanes kenkuana, a pakairamanan ni Saulo ti Tarso
Ara 16:22-34—Uray no nakabkabil ken naitul-ong ni apostol Pablo, impakitaanna latta iti kinaimbag ti guardia, isu a nagbalin a manamati ti guardia ken ti intero a sangakabbalayanna
Ania ti napasamak iti dadduma a Kristiano idi umuna a siglo?
Ania koma ti mariknatayo no maidadanestayo?
Kasano a ti namnamatayo iti masanguanan patibkerennatayo no maidadanestayo?
Apay a saantayo koma a mabain, mabuteng, wenno maupay no maidadanestayo, ken apay a saantayo koma nga agsardeng nga agserbi ken Jehova?
Sal 56:1-4; Ara 4:18-20; 2Ti 1:8, 12
Makatulong a salaysay iti Biblia:
2Cr 32:1-22—Idi rumaut ti dakkel nga armada ni Ari Senakerib, nagpannuray ken Jehova ti matalek nga ari a ni Ezekias ken pinabilegna dagiti umili; nabendisionan unay gapu iti dayta
Heb 12:1-3—Inkagumaan dagiti manangidadanes nga ibabain ni Jesus, ngem dina impalubos a dayta ti mangupay kenkuana
Ania ti mabalin a nasayaat a resulta ti pannakaidadanes?
No ibturantayo ti pannakaidadanes maparagsaktayo ni Jehova ken maidaydayawtayo ti naganna
Makatulong a salaysay iti Biblia:
Job 1:6-22; 2:1-10—Uray saan nga ammo ni Job a ni Satanas ti makagapu kadagiti pakarigatanna, dina tinallikudan ni Jehova isu a naidaydayawna ti Dios ken napaneknekan nga ulbod ni Satanas
Da 1:6, 7; 3:8-30—Kaykayat laengen da Hananias, Misael, ken Azarias (Sidrak, Mesak, ken Abednego) ti matay ngem ti agsukir ken Jehova; gapu iti dayta, natignay ti pagano nga ari a ni Nabucodonosor a mangidaydayaw ken Jehova kadagiti tattao
Mabalin nga ad-adu ti makasabaan no maidadanestayo
Makatulong a salaysay iti Biblia:
Ara 11:19-21—Naiwarawara dagiti Kristiano gapu iti pannakaidadanes ngem intultuloyda nga inkasaba ti naimbag a damag iti adu a lugar
Fil 1:12, 13—Naragsakan ni apostol Pablo ta adu a tattao ti nakaammo iti naimbag a damag gapu iti pannakaibaludna
Mabalin a mapabileg dagiti kapammatiantayo no ibturantayo ti pannakaidadanes
Siasino dagiti masansan a mangidaddadanes kadagiti adipen ni Jehova?
Jer 26:11; Mr 3:6; Jn 11:47, 48, 53; Ara 25:1-3
Makatulong a salaysay iti Biblia:
Ara 19:24-29—Para kadagiti agar-aramid iti templo ni Artemis idiay Efeso, makadadael kadagiti negosioda ti mensahe dagiti Kristiano a maibusor iti idolatria isu nga indadanesda dagiti Kristiano
Ga 1:13, 14—Sakbay a nagbalin a Kristiano ni Pablo (Saulo), nakaregregta unay iti Judaismo, isu nga indadanesna ti kongregasion