ELISAMA

[Nangngeg (Nagimdeng) ti Diosko].

1. Anak ni Amihud iti tribu ni Efraim; apong ni Josue. (Nu 1:10; 2:18; 1Cr 7:26, 27) Maysa ni Elisama kadagiti 12 a panguluen nga intuding ni Jehova a tumulong kada Moises ken Aaron a mangipasalista iti annak ti Israel maipaay iti buyot. Isu met ti mangay-aywan idi iti buyot ti tribuna. (Nu 1:1-4, 17; 2:18; 10:22) Malaksid ti pannakiramanna iti grupo a panagidiaya dagiti panguluen kalpasan ti pannakaipasdek ti tabernakulo, insaruno ni Elisama nga indiaya ti bukodna a daton iti maikapito nga aldaw maipaay iti inagurasion ti altar.​—Nu 7:1, 2, 5, 10, 11, 48-53.

2. Anak ni Jecamias iti tribu ni Juda.​—1Cr 2:3, 41.

3. Anak a naipasngay ken David idiay Jerusalem. Nailista daytoy nga Elisama kas Elisua iti 2 Samuel 5:15, iti 1 Cronicas 14:5, ken iti dua a manuskrito a Hebreo iti 1 Cronicas 3:6. Ibilang ti kaaduan a ti nagan nga Elisua isu ti umiso, gapu ta agparang manen iti 1 Cronicas 3:8 ti nagan nga Elisama ket ngarud mabalin a naglaka a naikabil iti bersikulo 6 gapu iti biddut ti eskriba. Nupay kasta, yantangay “Elishama” ti mabasa iti 1 Cronicas 3:6 ti Hebreo a Masoretiko a teksto, ti Griego a Septuagint, ti Syriac a Peshitta, ken ti Latin a Vulgate, napagtalinaed daytoy a porma ti nagan iti Baro a Lubong a Patarus kasta met iti dadduma pay a patarus.

4. Sabali pay nga anak a naipasngay ken David idiay Jerusalem.​—2Sm 5:16; 1Cr 3:8; 14:7.

5. Maysa a padi idi kaaldawan ni Ari Jehosafat a kadua ti dadduma pay a Levita ken piprinsipe a ‘nangliklikmut kadagiti amin a siudad ti Juda ken nangisursuro kadagiti umili.’​—2Cr 17:1, 7-9.

6. Sekretario iti palasio ni Ari Jehoiaquim.​—Jer 36:12, 20, 21.

7. Apong ni Ismael a nangpapatay iti Judio a gobernador a ni Gedalias.​—2Ar 25:25; Jer 41:1-3.