JABNEEL

[Mangbangon Koma ti Dios; Ti Dios Nangbangon].

1. Maysa a disso iti beddeng ti Juda (Jos 15:1, 11), nalabit isu met laeng ti Jabne nga inagaw ni Ari Ozias (829-778 K.K.P.) manipud kadagiti Filisteo. (2Cr 26:6) Maikunkuna a ti Jabneel isu ti moderno a Yavne. Masarakan ti Yavne iti agarup 6 km (3.5 mi) manipud Baybay Mediteraneo, ken nagsaad iti maysa a naiputputong, nadarat a turod a 20 km (12 mi) iti abagatan ti Joppe.

2. Maysa a disso iti beddeng ti Neftali. (Jos 19:32, 33) Nupay kunaen ti dadduma a ti Jabneel iti Talmud isu ti Khirbet Yamma, maikunkuna a ti Jabneel iti Biblia ket isu ti Tell en-Naʽam (Tel Yinʽam), iti asideg ti maysa nga ubbog, agarup 8 km (5 mi) iti abagatan nga abagatan-a-laud ti Tiberias. Nataginayon dayta a nagan iti agdama-aldaw a purok ti Yavneʼel nga adda iti asideg.