DABERAT

[Pagaraban].

Siudad a nadakamat iti listaan dagiti beddeng ti Zabulon (Jos 19:10, 12) ngem naibilang a kukua ti kabangibang a tribu ni Isacar idi daytoy a siudad agraman ti pagpaarabanna ket naituding kadagiti Levita iti pamilia ni Gerson (Gersom) idi agangay. (Jos 21:27, 28; 1Cr 6:71, 72) Saan a karaman ti Daberat iti listaan dagiti disso a naituding iti Isacar, ngem pagarupen ti adu a geograpo a nalabit natukoy dayta kas Rabbit iti Josue 19:20, maysa a panangmatmat a suportaran ti teksto ti Vatican Manuscript No. 1209.​—Kitaenyo ti RABBIT.

Iti agdama, maikunkuna a ti Daberat isu dagiti rebba iti Khirbet Dabura (Horvat Devora), iti asideg ti purok ti Dabburiya iti makin-amianan a laud nga igid ti Bantay Tabor.