Kayatda a Buyaen

IDI 1956, impabuya dagiti kakabsat iti Freetown ti The New World Society in Action. Inreportda:

“Inabanganmi ti kadakkelan a pasdek iti Freetown ken inwarasmi ti 1,000 nga imbitasion. Dimi ammo no mano ti umay. Kagudua oras sakbay a mangrugi ti panagpabuya, 25 pay laeng ti tao. Kalpasan ti 15 a minuto, nanayonan iti 100. Idi kuan, napnon ti 500 a tugaw ken 100 pay ti nakatakder. Adda pay 500 a nakatakder iti ruar ken saan a makastrek. Makaurayda ngata iti maikadua a panagpabuya? ‘Wen,’ kinunada. Nagurayda a talaga, uray agtudtudo!”

Iti panaglabas dagiti tawen, nasurok a 80,000 a tattao iti intero a Sierra Leone ti nakabuya iti dayta ken iti dadduma pay a nakallalagip a pabuya.