Í fullu samræmi við spádóminn er fólk nú til dags oft gagntekið af sjálfu sér, eiginhagsmunum, að fullnægja löngunum sínum, að ná frama og þar fram eftir götunum. Þessi einkenni eru svo algeng að sumir hópar hafa verið kallaðir ég-kynslóðin og jafnvel ég-ég-ég-kynslóðin. Margir eru svo uppteknir af sjálfum sér að þeir „elska ekki hið góða“ og skortir hreinlega hæfnina að elska góða eiginleika. Þar sem þeir eru „vanþakklátir“ sjá þeir enga þörf á að sýna þakklæti fyrir það sem þeir hafa eða fyrir það sem aðrir gera fyrir þá. – 2. Tímóteusarbréf 3:2, 3.

• Rógburður. Það er mikið um rógburð og lastmæli. (2. Tímóteusarbréf 3:2, 3) Þessi hugtök geta átt við þá sem móðga aðra eða Guð og þá sem ljúga um þá.

• Þrjóska. Margir eru „ótrúir“, „ósáttfúsir“, „sviksamir“ og „þverir“. (2. Tímóteusarbréf 3:2–4) Þeir sýna þessa eiginleika með því að neita því að fara samningaleiðina, að leita lausna eða að virða samkomulag sem þegar hefur verið gert.

• Ofbeldi. Margir eru „grimmir“ nú á tímum og eru fljótir til að reiðast sem leiðir oft til hrottaskapar. – 2. Tímóteusarbréf 3:3.

• Skortur á kærleika innan fjölskyldunnar. Þeir sem eru „óhlýðnir foreldrum“ og „kærleikslausir“ innan fjölskyldunnar hafa leitt bylgju vanrækslu, misnotkunar og heimilisofbeldis yfir samfélagið. – 2. Tímóteusarbréf 3:2, 3.