Uwẹ Amiẹn Obhokhan bhi Itẹmhọn Osẹnobulua

Ahamiẹn obhokhan uwẹ kere bhi uwa beji uwẹ tẹmhọn Osẹnobulua, taman lẹn ghe uwẹ ho nu miẹn ene biọle. Ọnan rẹman ghe uwẹ muekpẹn nele. (Pr 6:20) Ọne obhokhan arẹ taman ẹn nuwẹ nan bhi uwa, hẹi nanbhọ. Ahamiẹn ene biọle iribhi uwa, kpano, uwẹ akie vae ẹdẹ ọbhebhe.

Aha rẹmien ilasẹre nọn, sẹyẹ nọọn ẹmhọn ene biọle. Ahamiẹn ele iribhi uwa, uwẹ sabọ nọọn lẹn si ene biọle jọle da tọbọle zẹ ebe nin ọle ha tie. Ọha yọle ehe, uwẹ sabọ re ebe nanlẹn yẹ taman lẹn ẹmhọn jw.org/ish.

Uwẹ ha fikie bu ọne ilasẹre nọn ka uwẹ ehọ, nọọn ẹmhọn ene biọle. Iriọ, uwẹ ki sabọ taman ele ebezẹle nuwẹ da vae yẹ rẹman ele adia bi ibhude nọn gbale nọn ribhi Baibo nọn ha sabọ rẹkpa azagba-uwa. (Ps 119:86, 138) Mhan ha muekpẹn nin enebiọmọn, ọdẹ re isẹhoa mhan rẹ tẹmhọn Osẹnobulua man ọrebhe bhi ọne azagba-uwa.—1Pe 2:12.