‘Tẹmhọn Ukpe Nin Jehova Re Ọbhọ Nọn Rẹ Miẹn Ẹbho Ọbhi Egbe’

Ọne ‘ukpe nin Jehova re ọbhọ nọn rẹ miẹn ẹbho ọbhi egbe,’ ọiyi ukpe khọnkhan

61:1, 2

• Ọ mundia nin ẹghe nin Jehova re ọbhọ nin ọle rẹ re isẹhoa nin ẹbho ne mhọn ọkhọle esili, ne rẹ bu ọle re yẹ miẹn umiẹnfan bhi obọ le

• Bhi ore nin ọhẹnhẹn, ọne ukpe nan da munhẹn ẹghe nin Jesu rẹ mun iwẹnna itẹmhọn Osẹnobulua hẹn bhi ukpe 29. Ọda sotọ ẹghe nin Jehova rẹ fuẹan Jerusalemu an bhi ukpe 70

• Ẹlẹnan nian, ọne ukpe da munhẹn ẹghe nan rẹ re iJesu kiẹn ojie bhi okhun bhi ukpe 1914. Ọne ukpe dẹ sotọ ẹghe nin ekpokpo nọn khua ha rẹ munhẹn

Jehova ne ‘eran ne kpọnọ ne khiale’ ọbhi ihe, nẹ ha rẹkpa ẹbho nesọle

61:3, 4

• Ẹkẹ ẹgbo ada kẹ miẹn eran ne tantan. Bhi enin ele da ko wanre kugbe yẹ rẹkpa egbe

• Iniẹn ọsi ene eran sabọ kinọn kugbe rẹ mun ene eran deziẹn bhi otọ. Bhiriọ, ele ida de sade efi fi

• Bhi ẹkẹ ọne ẹgbo, ene eran ne tantan ki yẹ kiẹn ọfulu nọn ha gbega ene khere-khere ne sẹ yẹ wanre. Ebe ne khakha kua bhi ene eran ki yẹ re ọne otọ manman ha mhẹn nin emhin nan kọ

Ọrebhe ne ribhi agbotu nọnsi Jehova bhi ọne otọ nan rebhe gene miẹn elele bhi umiẹnkpa bi ogbaga nin ele miẹn bhi obọ ọsi enanzẹle ne sẹyẹ ribhi otọ. Ele ene ‘eran ne kpọnọ ne khiale’ mudia nan