Ji Ikhuaẹloghe Nin Uwẹ Mhọn Ha Re Eghọnghọn Je Ẹ

Ikhuaẹloghe, ọdiabe emhin nan fi ba bhi otọ ẹdẹ nan rẹ mun okọ mhọn nọn hẹi ruẹ. (Heb 6:19) Beji ọne emhin nin rẹ mun okọ mhọnlẹn sade ẹdẹ fi yo fi re, iriọ ikhuaẹloghe rẹ rẹkpa mhan sade mhan kuẹlo ọbhi efi ọsi ọbalọ bhi ọne agbọn nan. (1Ti 1:18, 19) Ọne efi nan sabọ rẹ ha yi idobọ nesẹmhan, abha yẹ miẹn igho rẹ gbẹloghe egbe, emianmhẹn nọn bha ka fo, uyumhin ọsi ọria nin mhan hoẹmhọnlẹn la emhin ọbhebhe nọn ha sabọ dọn mhan odẹ bhi oga.

Urẹọbhọ bi ikhuaẹloghe rẹkpa mhan rẹ daghe elele nọn ribhi odalo nọnsẹn. (2Co 4:16-18; Heb 11:13, 26, 27) Aha rẹmiẹn ghe ikhuaẹloghe ọsi ene ha nyẹn bhi otọ, la okhun mhan mhọnlẹn, ọkhẹke nin mhan ha ria eria nyan ive nọnsi Osẹnobulua ne ribhi Baibo, nin mhan rẹ ha mun ọle ziẹn. Bhiriọ, mhan ki sẹyẹ sabọ ha ghọnghọn arẹmiẹn mhan ribhi ọbalọ.​—1Pe 1:6, 7.

GHE ỌNE IVIDIO NỌN YỌLE JI IKHUAẸLOGHE NIN UWẸ MHỌN HA RE EGHỌNGHỌN JE Ẹ. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• Bezẹle nin Mozisi da yi ijiẹmhin esili nan ha re egbe khọkhọ?

• Bebhọ khẹke nin odafẹn ha lu nọn rẹ ziẹn urẹọbhọ ọsi ene ribhi azagba-uwa nọnsọle?

• Uhọnmhọn-ọta ne bha ha sabọ zilo ọle bhi iluẹmhin azagba-uwa nọnsẹ bha?

• Bebhọ ikhuaẹloghe ha rẹ sabọ rẹkpa mhan rẹ ziẹngbe ọnọghọ yẹ?

• Emhin be uwẹ khuaẹloghe bhi agbọn ọsọgbọn nọn vade?