Bezẹle Nin Oga Nọn Khiale Nọnsi Jehova Da Ti Uwẹ Bhọ?

Ibhokhan Izrẹl nan muno kpanọ bhi ẹbho nọnsẹle da miẹn ikoudure bhi imianlo ọsi uwa-oga nin Ezekiel miẹn, ranmhude ọne imianlo da re iruduba nin ele ghe a dẹ kie mun oga nọn khiale nọnsi Jehova gbọ. Bhi ikpẹdẹ ọkike nin mhan ye nian, oga nọn khiale nọnsi Jehova ki wo ‘manman mundia nọnsẹn bhi ukokhun ene oke.’ Mhan deba ẹbho ne nanbhi otọ agbọn rebhe vẹ diọ bhọ. (Isa 2:2) Uwẹ ria eria nyan ekpẹn nọn khua nin uwẹ mhọnlẹn nin uwẹ rẹ dọ lẹn Jehova yẹ ha ga ọle?

ELELE NIN MHAN MIẸN BHI OGA NỌN KHIALE:

• 

  Ebale oriọn nọn bunbun ne rẹkpa mhan rẹ miẹn ewanniẹn rẹji inọnta kpataki bhi iẹnlẹn. Ọne ebale oriọn yẹ rẹkpa mhan rẹ lẹn uwedẹ nọn khẹke nin mhan rẹ ha nyẹnlẹn. Ọ yẹ rẹkpa mhan rẹ ha mhọn iruduba rẹji ẹghe odalo.—Isa 48:17, 18; 65:13; Ro 15:4

• Ahoẹmhọn-egbe nọn ribhi ẹwẹ ibhio mhan ne ribhi otọ agbọn rebhe.—Ps 133:1; Joh 13:35

• Ẹkpẹn nọn khua nan rẹ ha deba Osẹnobulua wẹnna bhi iwẹnna itẹmhọn Osẹnobulua nọn re eghọnghọn re.—Acts 20:35; 1Co 3:9

• ‘Ọfure nọn nanbhi obọ Osẹnobulua vae,’ nọn rẹkpa mhan rẹ ziẹngbe ọnọghọ.—Php 4:6, 7

• Ọkhọle nọn khiale.—2Ti 1:3

• Ikolu nin mhan bi Jehova ko mhọnlẹn.—Ps 25:14

Uwedẹ nela imhẹn ha rẹ rẹman ghe oga nọn khiale nọnsi Jehova gene ti mhẹn bhọ?