Ikolu Nan Lu bhi Intanẹt—Nẹ bhi Ufi Ne Ribhọ

EBEZẸLE NỌN DA KHẸKE: Ukpọghale mhẹnmhin. Sokpan, sade mhan bha noo ọle nọnsẹn ọ dẹ sabọ kuan mhan. Iriọ yẹ nọn rẹji ikolu nan lu bhi intanẹt. Ọ dẹ sabọ si ẹmhọn ji mhan sade mhan bha noo ọle nọnsẹn. Ibhio mhan eso ribhọ ne yọle, ele ida lu ikolu nan lu bhi intanet. Bhi obọ nọnkẹle, ibhio mhan eso lu ọle, ranmhude, ọ rekpa ele rẹ nin ibhio ele bi imọẹ ele talọ. Ọkpakinọn, Esu guanọ nin mhan ha noo intanẹt bhi uwedẹ nan da miẹn ghe, mhan ki ria elin mhan an, yẹ zagha ikolu nin mhan bi Jehova ko mhọnlẹn a. Bii Jesu, mhan dẹ sabọ re adia nọn ribhi iBaibo rẹ lẹn emhin ne ha sabọ si ẹmhọn ji mhan. Mhan ki yẹ sabọ rẹban ele.—Lu 4:4, 8, 12.

UFI NIN MHAN HA NẸ NAN:

• A noo ẹghe nọn bunbun rẹ lu ikolu nọn ribhi intanẹt. Mhan ha noo ẹghe gbe bhi ikolu nan lu bhi intanẹt, ọnan dẹ sabọ re ẹghe nin mhan ha rẹ noo bhi iwẹnna oga.

  Adia ne ribhi Baibo: Eph 5:15, 16; Php 1:10

• A ghe emhin ne imhẹn bhi intanẹt. Sade ọria ghe foto ọsi eria ne banọnre, ọ dẹ sabọ re ọnin ọria ha ria eria ne bha gba, la ọ sabọ re ọnin ọria ha gboghẹ. Mhan a ha tiẹ emhin nin eria ne de sibhi oga re gbẹn ọbhi intanet, ọ de sabọ re mhan sibhi oga re.

  Adia ne ribhi Baibo: Mt 5:28; Php 4:8

• A gbẹn ọta nọn bha gba la mhan mun ifoto nọn bha gba ọbhi intanẹt. Ọkhọle nọnsẹmhan sabọ hiẹ mhan. Ranmhude ọnan, ọria sabọ dọ gbẹn ọta nọn bha gba la ọle mun ifoto nọn bha gba ọbhi intanẹt. Ọnan sabọ ria ọle elin an, la ọ sabọ wẹghẹ urẹọbhọ nọnsọle a.

  Adia ne ribhi Baibo: Ro 14:13; Eph 4:29

GHE ỌNE IVIDIO NATIỌLE MHỌN ẸWANLẸN BHI EMHỌN IKOLU NAN LU BHI INTANẸT. BHA HA YẸ ZILO NYAN EBI ỌRIA HA RẸ NOO ẸWANLẸN YẸ NIN ỌLE HẸI DE ỌBHI UFI NAN RẸMAN BHI ENE IFOTO NAN: