EMHIN NE GHANLẸN NE RIBHI BAIBO | JOHN 5-6
Bezẹle Nin Uwẹ Da Rẹkhan IJesu?
Ẹghe ọkpa, Jesu da taman edibo nesọle ijiẹmhin nọn bha mun ele ẹlokore. Ranmhude ọnan, ene bunbun bhi ẹwẹ ele bha yẹ ha rẹkhan ọlẹn. Ọkuẹsẹ ọne ukpẹdẹ nin, Jesu ka re uwedẹ ọhan-ilo rẹ re ebale nin ene ẹbho nan le. Ele da rẹọbhọ ghe iJesu hi Ọmọn nọnsi Osẹnobulua. Bekizẹ nin ele da fikeke gbe iJesu? Bhi ọsi ẹmhọanta, ọkhọ nọnsele bha gba. Elele nin ele ha miẹn bhi obọ iJesu zẹle nin ele da ha rẹkhan ọlẹn.
Ọkhẹke nin ọdeọde bhi ẹwẹ mhan nọọn egbe mhan: ‘Bezẹle nin men da rẹkhan iJesu? Ranmhude elele nin men ha miẹn bhọ ẹlẹnan bi bhi ẹghe odalo nọn? La ranmhude imẹn hoẹmhọn iJehova?’
Bezẹle nin mhan ha da sabọ beghe bhi oga sade ene emhin nan hi uhọnmhọn-emhin ne zẹle nin mhan da ga iJehova?
Ikolu nin mhan miẹn bhi ẹkẹ oga
Aribhọ ọsi ighegheghe nọn khẹ mhan bhi ẹghe odalo