Ahoẹmhọn-egbe A Rẹ Lẹn Ene Rẹkhan IJesu—Ha Ghọnghọn bhi Ẹmhọanta

EBEZẸLE NỌN DA YI EMHIN NỌN KHẸKE: Beji Jesu lu, ọ yẹ khẹke nin mhan ha sọsali ọbhi ẹmhọanta rẹji iho nọnsi Osẹnobulua. (Joh 18:37) Arẹmiẹn ghe olukhọ bi ohoghe vuọn ọne agbọn nan nin mhan da nyẹnlẹn, ọ sẹyẹ khẹke nin mhan ha ta ẹmhọanta, ghọnghọn bhi ẹmhọanta, yẹ zilo nyan emhin ne mhẹn.—1Co 13:6; Php 4:8.

EBI A RẸ LU ỌLE YẸ:

• Taman egbe ẹ ghe uwẹ ida ta ikuẹkuẹ ọta, la kaehọ ikuẹkuẹ ọta nin ẹbho ta nin ele rẹ ria ọria elin an.—1Th 4:11

• Emhin ọbe ha sunu ji ọria, uwẹ ida ghọnghọn ọbhọ

• Uwẹ ki ha ghọnghọn bhi emhin ne mhẹn

GHE ỌNE IVIDIO NATIỌLE ‘BHA HA MHỌN AHOẸMHỌN-EGBE DA EGBE’—HA GHỌNGHỌN BHI ẸMHỌANTA, ỌIYI BHI EMHIN ỌBE. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• Be bhọ iDebbie rẹ ha ‘ghọnghọn bhi emhin ọbe yẹ’?

• Be Alice rẹ dia iẹnlẹn nin Debbie ha gha man ọlẹn diọ bhi ẹmhọn nọn mhẹn yẹ?

• Be bhọ emhin esili eso nin mhan ha sabọ ha zilo ọle?