Jehova Dia Ẹbho Nesọle Rẹ Tẹmhọn Ọlẹn Man Ọrebhe

Beji Jehova rẹ ha dia ibhokhan Izrẹl, iriọ ọle yẹ rẹ dia ẹbho nesọle rẹ lu iho nọnsọle ẹlẹnan. Bẹtẹ rebhe, agbotu rebhe, bi usun ibhio mhan rebhe ne tẹmhọn Osẹnobulua bhi otọ agbọn rebhe wẹnna kugbe rẹ tẹmhọn Osẹnobulua. Mhan tale man ọrebhe, rẹ sẹbhi ene zẹ urolo ọbhebhe.​—Re 14:​6, 7.

Uwẹ sẹ riale si uwẹ dẹ sabọ luẹ urolo ọbhebhe beji uwẹ ha da re ọle rẹkpa ọria dọ lẹn Osẹnobulua? Aharẹmiẹn ghe uwẹ imhọn ọne ẹghe nin uwẹ ha rẹ luẹ urolo ọbhebhe nọnsẹn, uwẹ dẹ sabọ noo JW Language app rẹ luẹ ebi a rẹ tẹmhọn Osẹnobulua yẹ bhi ọne urolo. Uwẹ ha sabọ gene re urolo ọbhebhe tẹmhọn Osẹnobulua man ọria, uwẹ dẹ ha ghọnghọn beji Kristiẹn bhi ore nin ọhẹnhẹn rẹ ha ghọnghọn. Ẹghe nin ele rẹ ha tẹmhọn Ọsebobulua man ẹbho ne nabhi agbaẹbho ọbhebhe vae, ọ da han ene ẹbho ilo rẹ họn “emhin ọhan-ilo nin Osẹnobulua lu” bhi urolo nọnsele.​—Acts 2:​7-11.

GHE ỌNE IVIDIO NATIỌLE, KIẸN ỌMỌẸ IJEHOVA​—TẸMHỌN OSẸNOBULUA BHI UROLO ỌBHEBHE. BHA HA KI GHE ỌLE FO, WANNIẸN ENE INỌNTA NAN:

• 

  Ẹghela uwẹ ha rẹ sabọ noo JW Language app?

• 

  Emhin eso nela ribhọ?

• 

  Urolo kẹkẹ nela ẹbho zẹ bhi eji ibha da tẹmhọn Osẹnobulua?

• Be uwẹ ha lu yẹ sade ọria nọn guanọ nin ọle lẹn ẹmhọn Osẹnobulua zẹ urolo ọbhebhe?​—od 100-101 ¶39-41