LU IWẸNNA ITẸMHỌN OSẸNOBULUA | JI EGHỌNGHỌN NIN UWẸ MIẸN BHI IWẸNNA ITẸMHỌN OSẸNOBULUA HA TUẸN OKHUN
Rẹkpa Ene Uwẹ Man Ele IBaibo Rẹ Ha Yo Ikolo Oga
Ikolo oga nan yo deba oga nọn khiale nin mhan re nin Jehova. (Ps 22:22) Ọrebhe ne sikoko ga iJehova, wo miẹn eghọnghọn bi erọnmhọn. (Ps 65:4) Ahamiẹn ene imhan man ele iBaibo yo ikolo oga ẹghe rebhe, ele ki wo ha lu re alo.
Be uwẹ ha rẹ rẹkpa ene uwẹ man ele iBaibo yẹ rẹ ha yo ikolo oga? Ha tie ele vae. Re ọne ividio natiọle, Be Sunu Bhi Kindọn Họọ? man ele. Taman ele elele nan miẹn bhi ikolo oga nan yo. (lff iluẹmhin 10) Uwẹ dẹ sabọ taman ele emhin ọkpa nin uwẹ luẹle bhi ikolo oga nọn gbera la ebi a ha zilo nyan bhi ikolo oga nọn vade. Re ene ebe nan ha luẹ bhi ikolo oga nin ene uwẹ man ele iBaibo. Lu eka nin uwẹ ha sabọ lu rẹ rẹkpa ele. Uwẹ sabọ rẹ mun ele yo ikolo oga. Ahamiẹn ghe ene uwẹ man ele iBaibo sabọ yo ikolo oga bhi ọsi ọhẹnhẹn, ọ dẹ ha yi emhin eghọnghọn rẹji uwẹ ghe uwẹ sabọ rẹkpa ele. —1Co 14:24, 25.
GHE ỌNE IVIDIO NATIỌLE, RẸKPA ENE UWẸ MAN ELE IBAIBO RẸ HA YO IKOLO OGA. BHA HA KI GHE ỌLE FO, WANNIẸN ENE INỌNTA NAN:
Isẹhoa nela iNeeta noolo rẹ tie iJane vae bhi ikolo oga?
Bezẹle nọn da yi emhin eghọnghọn sade ọria nin mhan man ọle iBaibo vae bhi ikolo oga?
“Osẹnobulua gene ribhi ẹwẹ bha”
Be iJane daghe ọsi ọhẹnhẹn nin ọle vae bhi ikolo oga?