Obhio mhan nin okpea bi obhio mhan nin okhuo fẹkẹ ha lu re alo beji ele ha da kiẹn Kristiẹn ne deziẹn bhi oga. One obhio mhan nin okhuo ria eria nyan ebi ọle tie bhi Baibo beji ọle mun ọne Baibo mhọn; ọne obhio mhan nin okpea ribhi inẹbho. Ifoto: Usẹn ikpea bi imanmhẹn ne deziẹn bhi oga lu ilọnmhọn oga kẹkẹ. 1. Ọbhio mhan nin okhuo ne ekpamanku ọbhi uke itebu bhi eji a da le ebale bhi Bẹtẹ. 2. Ibhio mhan nin ikhuo eva tie Baibo man okhuo ọkpa bhi inẹbho. 3. Obhio mhan nin okhuo nọn bha sẹ manman wanre deba obhio mhan nin okhuo nọn wanre lu iwẹnna itẹmhọn Osẹnobulua nan da re ebe wa. 4. Usẹn okpea man obhio mhan nin okpea nọn ki wanre ebi a rẹ noo ifoni yẹ. 5. Obhio mhan nin okpea tie Baibo bhi ikolo oga. 6. Obhio mhan nin okpea noo isọ bhi eji a da bọn uwa oga.

Ọnan Rẹ Luẹ Emhin Bhi Ikolo Oga

DIZẸMBA 2023

UHỌNMHỌN-ỌTA NAN HA LUẸ BHI: FẸBUARE 5–MACH 3, 2024

A ikhiẹn ọne ebe nan. Ọkpa nọn bhi ebi a rẹ lu iwẹnna nan rẹ man ẹbho Baibo bhi otọ agbọn nan rebhe. Eria tobele re ọkhọle nọnsele re emhin re, nin ele rẹ robọkpa bhi ọne iwẹnna nan. Nin uwẹ rẹ robọkpa, huẹan ha khian donate.jw.org.

Baibo rebhe nan so ọle unun bhi ọne ebe nan, New World Translation of the Holy Scriptures nan re urolo nọn lẹkhẹ gbẹn, ọle a da ne ele dagbare. Ahamiẹn ọ iyi iriọ, a dẹ taman uwẹ.

ADUDU NỌN RIBHI ODALO ỌLE:

Imanmhẹn bi usẹn ikpea nan re Baibo rẹ luẹ ele emhin, ne yẹ re obọ rẹkhan ebi ele luẹ dọ kiẹn Kristiẹn ne deziẹn bhi oga (Fẹ uduọle nọnzi 21 ghe, bhi uhọnmhọn-ọta nọnzi 52, bi uduọle nọnzi 19 bi 20 ghe bhi uhọnmhọn-ọta nọnzi 53)