ILUẸMHIN 15
Be bhọ Iwẹnna ọsi Ene Ewanlẹn Bhi Ẹkẹ Agbotu?
Finland
Iman-emhin
Igbẹloghe
Itẹmhọn Osẹnobulua
Mhan mhọn ene gbẹloghe agbotu nan iha ele osa. Beji ọha ye bhi ẹghe nanrẹ mun agbotu hẹn bhi ore nọn gbera. Ene sẹle, ne wanre bhi ẹkẹ oga, ele azẹ ‘ne ha gbẹloghe agbotu.’ (Acts 20:28) Enin ewanlẹn nan ne manman tuẹn okhun bhi oriọn, ‘ọkhọle rebhe ele rẹ gbẹloghe agbotu, eghọnghọn ele rẹ lu ọnan, ele i guanọ ihaosa.’ (1 Peter 5:1-3) Be bhọ iwẹnna nin enin ewanlẹn nan lu nin mhan?
Ele gbẹloghe mhan. Enin ewanlẹn nan gbẹloghe mhan. Eri Baibo rẹ rẹkpa mhan rẹ sikẹ iJehova. Ele rẹkpa mhan rẹ mhọn eghọnghọn bhi iẹnlẹn, ele idenyẹnyẹn mhan ranmhude ele lẹnmhin ghe Osẹnobulua mun ele fiọ bhi ọnin ihe nan. (2 Corinthians 1:24) Beji ọnọn sun ohuan rẹ gbẹlokọtọ rẹ gbẹloghe ohuan nọnsọle, iriọ enin ewanlẹn rẹ gbẹlokọtọ rẹ lẹn ọdeọde bhi agbotu.—Proverbs 27:23.
Ele man mhan ebi mhan rẹ ha lu iho nọnsi Osẹnobulua yẹ. Uzana rẹ sẹbhi uzana enin ewanlẹn nan rẹ gbẹloghe ikolo nan do bhi agbotu nọn rẹkpa mhan rẹ mun urẹọbhọ nọnsẹ mhan ziẹnlẹn. (Acts 15:32) Enin ewanlẹn ne ri egbe rebhe rẹ gbẹloghe, ele yẹ mun ọkalo bhi iwẹnna itẹmhọn Osẹnobulua. Ele yẹ man mhan uwedẹ kẹkẹ nin mhan rẹ ha tẹmhọn Osẹnobulua sade ele deba mhan wẹnna.
Ele ri isudu nin ọdeọde. Enin ewanlẹn nan ri isudu bhi uwẹdẹ oriọn nin ọdeọde, sade ele dọ tuẹ mhan bhi uwa la bhi ẹkẹ iKindọn Họọ.—James 5:14, 15.
Rẹ deba iwẹnna agbotu nele gbẹloghe, enin ewanlẹn nan yẹ mhọn azagba-uwa bi iwẹnna ọsi obọ ele, nele yẹ gbẹloghe. Ọkhẹke nin mhan mun ekpẹn nin enin ewanlẹn ne gbẹloghe mhan.—1 Thessalonians 5:12, 13.
Be bhọ iwẹnna nin enin ewanlẹn lu bhi ẹkẹ agbotu?
Be enin ewanlẹn nan rẹ rẹman yẹ, ghe ele hoẹmhọn ọdeọde bhi ẹkẹ agbotu?