ILUẸMHIN 25
Bezẹle Nin Mhan Da Bọn IKindọn Họọ? Be Mhan Rẹ Bọn Yẹ?
Bolivia
Nigeria, ọnọn rẹ ha ribhọ bi beji abọnlẹn fo
Tahiti
Kindọn Họọ a tie eja nan luẹ ẹmhọn Agbejele nọnsi Osẹnobulua. Ọnin Agbejele ha yi uhọnmhọn-ọta nọnsi Jesu.—Luke 8:1.
Eja da do oga ọsi ẹmhọn-ata bhi ẹbho. Kindọn Họọ ada mhanmhan ebarẹ tẹmhọn Agbejele nọnsi Osẹnobulua yẹ. (Matthew 24:14) Kindọn Họọ di kikẹ bhi ebarẹ bọnlẹn. Ọre dia bhi iriọ, erebhe mhẹn bhi ẹlo. Bhi otọ eso, agbotu nọn gbera ọkpa sabọ noo Kindọn Họọ okpa. Bhi ore nan, mhan bọn Kindọn Họọ ne bun bun (ebe si isẹn bhi ukpẹdẹ) nin mhan rẹ ha tuẹn agbotu nọnsẹ mhan okhun. Barẹ lu ọnan yẹ?—Matthew 19:26.
Bhi ẹkẹ igho nan koko ada re rẹ bọn iKindọn Họọ. Bhi ẹkẹ igho nan koko, nan re ji Bẹtẹ, ọle ada re, nanrẹ bẹni Kindọn Họọ la nan rẹ kie hẹnhẹn ọlẹn.
Eria ne zegbe re rẹ ha bọn iKindọn Họọ nan, ijian kikẹ ena vae, ai ha ele osa. Bhi ijian kikẹ, mhan mhọn Otu Ne Bẹni Uwa Oga. Enin otu nan bi ene rẹkpa ele, ele ko khian nanbhi agbotu kikẹ, nele rẹ rẹkpa ele bọn iKindọn Họọ bhi eji ọle irẹ akhin bhi agba-ẹbho nọnsele. Bhi agba-ẹbho eso, Esali Jehova eso ribhọ nan zẹle nele ha gbẹloghe Kindọn Họọ nan bọn bi ne yẹ ha hẹnhẹn ọlẹn bhi ẹbho nan zẹ nele. Arẹmiẹn ọnin otu nan ne guẹ iwẹnna bọn ọnin Kindọn Họọ, enin agbotu ne nyan ọnin Kindọn Họọ, ele bun nẹ bhi ene miẹn ọnin ẹsọn. Ahu ẹlimhin nọn khiale nọnsi Jehova, bi egbe rebhe nanrẹ wẹnna, ọle ri ọnan sunu.—Psalm 127:1; Colossians 3:23.
Ba lu bhi ẹkẹ Kindọn Họọ?
Barẹ sabọ bọn iKindọn Họọ yẹ bhi otọ agbọn rebhe?