ILUẸMHIN 1

Munhẹn Nọnsẹn

Acts 17:⁠22

EBI UWẸ HA LU: Ji ọta nin uwẹ ha rẹ munhẹn re ene uwẹ ne talọ ha mhọn ọtibhọ. Sounun bhi uhọnmhọn-ọta nin uwẹ da rẹ ne ele zilo. Ji ele lẹn ebezẹle nọn da khẹke nin ọne uhọnmhọn-ọta ha ti ele bhọ.

EBI A RẸ LU ỌLE YẸ:

Re ele ha mhọn ọtibhọ. Zẹ ọta nin uwẹ ha rẹ munhẹn nọnsẹn. Ọ sabọ rẹ ha yi inọnta, la okha nọn gene sunu, la ebi a ta bhi niuz, la emhin nọn hi rẹ khin nọn ha ti ene uwẹ ne talọ bhọ.

Ka re ẹghe ọbhi otọ rẹ ria eria nyan emhin ne rẹtẹ ene uwẹ da ne talọ. Re ene emhin ne rẹtẹ ele rẹ mhanmhan ọta nin uwẹ ha rẹ munhẹn.
Sounun bhi uhọnmhọn-ọta nin uwẹ ha rẹ zilo. Ji uhọnmhọn-ọta nin uwẹ ha zilo nyan, bi ebezẹle nin uwẹ ha da zilo nyan ọne uhọnmhọn-ọta manman zegbere bhi ẹkẹ ọta nin uwẹ ha rẹ munhẹn, nin ene uwẹ ne talọ lẹn ọlẹn nọnsẹn.
Rẹman ele ebezẹle nin ọne uhọnmhọn-ọta da khẹke. Ebi uwẹ ha ta, diẹn ọlẹn mun emhin nọn rẹtẹ ene uwẹ ne talọ. Ji ele lẹn nọnsẹn ebi ọne uhọnmhọn-ọta ha rẹ sabọ rẹkpa ele tobele yẹ.

Ahamiẹn uwẹ muegbe ọta ogbakha, nọọn egbe ẹ, ‘Be ibhio mhan nin ikpea bi ikhuo bhi ẹkẹ agbotu kuẹlo da?’ Bhiriọ, uwẹ ki sabọ diẹn ọta nin uwẹ ha rẹ munhẹn mun emhin nọn rẹtẹ ele.