Kpẹn Ọlẹn Nọnsẹn

Ecclesiastes 12:​13, 14

EBI UWẸ HA LU: Bhi ẹkẹ ọta nin uwẹ ha ta kike, ji ene uwẹ ne talọ lẹn ghe ọkhẹke nin ele dọnmhegbe rẹ re obọ rẹkhan ebi ele luẹle, ranmhude ẹmhọanta nọn.

EBI A RẸ LU ỌLE YẸ:

• Diẹn ene ọta nin uwẹ ha ta kike mun ọne uhọnmhọn-ọta nọn mun ọne ọta rebhe mhọn. Kie sounun bhi uhọnmhọn-ọta ọsi ọne ọta, bi ene ọta kpataki ne ribhọ.

• Rẹkpa ene uwẹ ne talọ rẹ ha mhọn ọhubhudu nin ele rẹ re obọ rẹkhan ebi ele họn. Rẹkpa ene uwẹ ne talọ rẹ lẹn ebi ele ha lu, bi ebezẹle nọn da khẹke nin ele lu ene emhin. Ji uwedẹ nin uwẹ ha rẹ ha talọ rẹman ghe, uwẹ manman rẹọ bhi ebi uwẹ ta, ghe, uhọnmhọn-emhin kpataki nọn.

• Hẹi ji ọta nin uwẹ ha ta kike bunbun, la nọn nọghọ hiehie. Hẹi mun ẹmhọn ọsọgbọn re bhi ẹghe nin uwẹ ha rẹ ha kpẹn ọne ọta. Bhi ọkike ọle, noo ikpọta ne bha bun rẹ ji ene uwẹ ne talọ lẹn ghe ọkhẹke nin ele dọnmhegbe rẹ re obọ rẹkhan ebi ele luẹle.