Emhin Ne Khẹke Nin Ene Vae bhi Usikoko Lẹn

IMIANMẸN Ewanlẹn bhi agbotu nọnsẹbha lu emhanmhan beji a ha da miẹn ghe, ene guanọ nin ele mianmẹn, ki sabọ mianmẹn sade a re obọ ewewiẹ ọsi ẹdẹ iSaturday sotọ.

IZEMHIN BHI OBỌ Urolo ne bun gbera 400, ọle a zedu ọne usikoko nan diọ. Emhin nin bha re ọkhọle re re, ọle a miẹn rẹ lu ọne iwẹnna nan bhi otọ agbọn rebhe. Uwẹ sabọ rẹ noo donate.jw.org rẹ re iyobọ re. Iyobọ nin bha re re manman wo ti mhan bhọ. Otu Nọn Sun Oga yi bha rebhe obulu bhi uwedẹ nin bha rẹ ze emhin bhi obọ rẹ rẹkpa ọne iwẹnna Agbejele nan lu bhi otọ agbọn nan rebhe.

ISIKU ỌSI ENE TẸMHỌN AGBEJELE Ekanẹfan ne ribhi ikpe 23 rẹ sẹbhi 65 ne ho nin ele lu ba iwẹnna nin ele lu bhi ẹkẹ oga, sabọ rẹ taman ọwanlẹn nọn yi akowẹ bhi agbotu nọnsẹle, ele ha yẹ gbẹn vuọn ọne ebe nan rẹ yo Isiku ọsi Ene Tẹmhọn Agbejele.