Emhin Nọn Khẹke nin Ene Vae Bhi Usikoko Lẹn

ENE ROBỌKPA Ene robọkpa muegbe nin ele rẹ rẹkpa uwẹ. Huẹan, ka ele ehọ. Lu rẹkhan ebi ele taman uwẹ rẹji eji uwẹ ha mun imoto nọnsẹ i, eji uwẹ ha rẹkhan nabhi ẹkẹ eji a da do usikoko, bi eji uwẹ ha rẹkhan dagbare. Yẹ rẹkhan adia nọnsele rẹji aga nan da dotua bi emhin nekẹle.

IMIANMẸN Aga nin ene ha mianmẹn ha da dotua ribhi odalo esẹ. Ahamiẹn ọ i yi iriọ, a dẹ taman uwẹ eji ọ khin. Ọkhẹke nin ene ho nin ele mianmẹn dotua bhi enin, ọkuẹsẹ ọta ọsi imianmẹn munhẹn ọsewewiẹ bhi ẹdẹ Satọde. Ọde-ọde re ukpọn nọnsọle nan rẹ ka amẹn bhi egbe mhọn, bi ukpọn nọn mhẹn nọn ha ji a rẹ nabhi amẹn.

IZEMHIN BHI OBỌ Udede igho a noo nan rẹ lu emhanmhan ọsi aga nan rẹ dotua, emhin nan rẹ talọ bi emhin nekẹle kẹkẹ ne zẹle mhan sabọ sọnyẹnmhẹn bhi ọne usikoko nan. Ene emhanmhan nan rebhe rẹkpa mhan rẹ sabọ ha sikẹ Jehova. Emhin nin bha re ọkhọle re re, ọle a rẹ haosa ene emhin nan rebhe. Ọle a yẹ rẹ rẹkpa iwẹnna itẹmhọn Osẹnobulua bhi otọ agbọn nan rebhe. Beji ọ ha da lẹkhẹ nin uwẹ rẹ re iyobọ re, a mun ẹkpẹti ọbhi ije kẹkẹ bhi ọne usikoko nan. Uwẹ dẹ yẹ sabọ noo donate.jw.org rẹ re iyobọ re. Emhin nin uwẹ hi ki rẹ sabọ re re dẹ wo ti mhan bhọ. Otu Nọn Sun Oga ọsi Esali Jehova yi bha rebhe obulu bhi uwedẹ nin bha rẹ ze emhin bhi obọ rẹ rẹkpa ọne iwẹnna Osẹnobulua nan lu bhi otọ agbọn nan rebhe.

SATỌDE NAN RẸ LU ENVIRONMENTAL Ẹghe nan gbẹn ọbhi ẹkẹ brakẹti, usikoko nọn defiọ bhi ẹdẹ Satọde nan rẹ lu Environmental a ha da noo ọle. Bhi uzana nọn sẹriọ, a da re ọne ọta nan diẹn kugbe nọn yọle, “Lu Rẹkhan Ebi Mhan Miẹn Luẹ Bhi Emhin Ọhan-ilo Nin Ọhẹnhẹn Nin Jesu Lu” bi ọne ọta nọn yọle, “Ebi “Ohuan Nọnsi Osẹnobulua” Rẹ Re Olukhọ Kie Yẹ”, nan mhanmhan ọbhi ẹdẹ Satọde bhi ebe emhanmhan nọnsẹmhan ha khian ọsewewiẹ bhi ẹdẹ Fraide.

URẸKPA ỌSI ỌHẸNHẸN NAN RE NIN ENE KHỌNMHỌN Huẹan, lẹn sẹbhọ ghe, ẹbho ne re iguaguako munhẹn ha khọnmhọn, ele ọkpa a gbẹloghe bhi enan.

EMHIN NE YULUA NAN MIẸN Ahamiẹn uwẹ miẹn emhin re bhi otọ, uwẹ bha da miẹn ọnọn nyan ọlẹn, re ha khian eji a da guanọ Emhin Ne Yulua Nan Miẹn. (Lost and Found Department). Ahamiẹn emhin nọnsẹ yulua, uwẹ ha yẹ dọ fẹ enin ghe. Uwẹ ha miẹn ọmọn nọn bibi sibhi eji ene biẹ ọle ye re, la nọn yulua, re ọle diọbhi enin. Ọrẹyiriọ, ranmhude mhan bha guanọ nin mhan rẹ ọne ẹsọn kpokpo ọria soso, huẹan, bha ha gbẹloghe imọn nesẹbha ẹghe rebhe, bha ha yẹ ne ele sikẹ egbe.

EJI A DA DOTUA Huẹan, ha ria ẹmhọn eria nekẹle. Yere ghe, uwẹ sabọ mun otọ khẹ eria nin bha ko nabhi imoto ọkpa vae, eria nin bha ko nyẹnlẹn bhi uwa, bi eria nin uwẹ man ele Baibo. Huẹan, hẹi ne emhin ọbhi okhun aga nin uwẹ bha mun ya khẹ ọria soso.

IWẸNNA NAN ZEGBERE RẸ LU Ahamiẹn uwẹ ho nin uwẹ rẹkpa bhi iwẹnna nan ha lu bhi ọne usikoko nan, huẹan, ji ene ribhi eji a da zegbere bhi iwẹnna lẹn. (Information and Volunteer Service Department).

Ọtu Nọn Sun Oga ọsi Esali Jehova mhanmhan ọne usikoko nan