Emhin Nuwẹ ha Rẹban Sade Uwẹ Man Ọria IBaibo

Atalọ Gbe: Hẹi ariale ghe ọkhẹke nuwẹ gbe ọtọ emhin rebhe fanọan. Jesu ri inọnta rẹ miẹnkpa ẹbho, nele da tobele ria eria, yẹ re ewanniẹn nọn gbale ọbhọ. (Mt 17:24-27) Uwẹ aha nọọn ọta, bha ki ha sọ ọnyẹnmhen bhi ọne iluẹmhin. Ọki yẹ rẹkpa ẹ rẹ lẹn ebi ọria nuwẹ man lẹn emhin rẹọ, bi ebọle lẹn sẹyẹ. (be 253 ¶3-4) Uwẹ ha nọọn ọta, mhọn iziẹngbe mudia khẹ ọne ewanniẹn. Ahamiẹn ọne ewanniẹn bha gba, hẹi tobọẹ wanniọn lẹn. Nọọn ọta ebhebhe nọn ha rẹkpa ọne uwẹ man lẹn emhin rẹ re ewanniẹn nọn gbale ọbhọ. (be 238 ¶1-2) Talọ bhi uwedẹ nin ọnuwẹ manlẹn emhin ada sabọ lẹn emhin ọgbọn nọn khẹke nọnle lẹn.—be 230 ¶4.

A Rọle Nọghọ: Hẹi wo ha ta emhin rebhe nuwẹ lẹn rẹji ọne uhọnmhọnta. (Joh 16:12) Talọ nyan uhọnmhọn emhin kpataki nan ho nan luẹ bhi eja tiele. (be 226 ¶4-5) Aha gbo okha nebunbun, arẹmiẹn ene okha mhẹn bhi ehọ, esabọ degugu uhọnmhọn emhin nan ho nan lẹn. (be 235 ¶3) Ahamiẹn uhọnmhọn emhin nan ho nan lẹn mun ẹlokore, diọbhi ọnọn sọle bhegbe.

A Rọle Runẹ: Mhan guanọ nin iman-emhin nọn sẹmhan sẹbhi ọkhọle ọsi ene imhan man ele emhin, ọiyi nan gheghe tie ọne ebe fo. (Lu 24:32) Zilo nyan eja yọle nan tie bhi Baibo nọn tẹmhọn uhọnmhọn emhin nan họ nan lẹn. Iriọ uwẹ ha rẹ noo ahu nọn ribhi Ebenọnkhiale. (2Co 10:4; Heb 4:12; be 144 ¶1-3) Noo ijiẹmhin ne lẹkhe nan rẹ lẹn otọle. (be 245 ¶2-4) Ha mhọn bhi ọkhọle ebi ọnuwẹ man lẹn emhin rẹọ bi ọnọghọ nọnsọle. Uwẹ ha man lẹn ebọle arẹ re ebi bha luẹ rẹ nyẹnlẹn yẹ. Nọọn lẹn ọta bi nian: “Ọne emhin nin mhan luẹle nan, buwẹ riale yẹ?” “Bebhọ ọman mhan le rẹji Jehova?” “Be bhọ elele nuwẹ da miẹn bhọ sade uwẹ lu rẹkhan lẹn?”—be 238 ¶3-5; 259 ¶1.