Ebarẹ Re Ewanniẹn Nọn Gba bhi Inọnta Yẹ

Ewanniẹn ne gba nin mhan re bhi inọnta bhi ikolo oga tuẹn agbotu okhun. (Ro 14:19) Ene re ewanniẹn bhi ene inọnta yẹ miẹn elele bhọ. (Pr 15:23, 28) Bhiriọ, ọkhẹke nin mhan dọnmhegbe nin mhan rẹ wanniẹn inọnta bhi ikolo oga rebhe, arẹmiẹn osukpa nọn. Bhi ọsi ẹmhọn-ata, ọiyi ẹghe rebhe nin mhan rẹ niẹn obọ okhun a wo rẹ tie mhan. Ọlezẹle nọn da mhẹn nin mhan rẹ muegbe ewanniẹn kẹkẹ bhi otọ.

Ewanniẹn nọn gbale . . .

• ai talọ gbe bhọ, ọmun ẹlo kore. Ọbha yẹ tan gbe, asabọ re ebe si ukhiọnmhẹn ihuẹnlo rẹ tale

• dẹ mhẹn nẹ sadẹ uwẹ bha wo tie ọle beji ọre ribhi ebe tee. Uwẹ sabọ tale beji ọrẹ re ẹ bhi ọkhọle

• ọi wo yi agheghe ta ebe ọria ọbhebhe ka ta fo

Ahamiẹn uwẹ aka tie, . . .

• hẹi talọ gbe, wo wanniẹn ọne inọnta tee

Ahamiẹn ọria ki re ewanniẹn bhi ọne inọnta fo, uwẹ sabọ . . .

• rẹman ebi Baibo nan gbẹn bhi eja tiele rẹ re obọ bhi ọne ewanniẹn yẹ

• tale ebi ọne ẹmhọn rẹ rẹtẹ iẹnlẹn nọn sẹmhan yẹ

• tale ebi mhan arẹ sabọ noo eba tẹmhọn lẹn yẹ

• gbe okha nọn bha tan gbe nọn diẹn mun uhọnmhọn emhin kpataki bhi eja tiele