‘Ọria Nan Manman Lẹn bhi Agbaẹbho Ọdọ Le Khin’

Ranmhude uwedẹ nin okhuo nọn guẹ emhin rẹ lu emhin, ẹbho ki ha mun ekpẹn nin ọdọ le. Bhi ẹghe ọsi Lemuel nin Ojie, okpea nọn re okhuo nọn guẹ emhin ki kiẹn ọria nan manman lẹn bhi agbaẹbho. (Pr 31:23) Bhi ẹghe nọn sẹmhan ẹlẹnan, ikpea ne sẹ enan mun ekpẹn nan, ele ribhi ihe ọsi ewanlẹn bi ene zẹ sikẹ ewanlẹn bhi agbotu. Sade ele mhọn okhuo, uwedẹ nin okhuo ele rẹ lu emhin deba emhin ne ha tare si ele dẹ sabọ ga bhi ọne ihe nan. (1Ti 3:​4, 11) Ẹmhọn ene ikhuo ne guẹ emhin nan manman ti ọdọ ele bi agbotu rebhe bhọ.

Ene uwedẹ nan, ọle okhuo nọn guẹ emhin rẹ rẹkpa ọdọ le rẹ ha lu iwẹnna nọnsọle bhi oga . . .

• ọki ha re ọta esili rẹ ze ọle udu.​—Pr 31:26

• ọki ha re ẹghe nanlẹn rẹ lu iwẹnna agbotu.—1Th 2:7, 8

• ọki de obọ re bhi iẹnlẹn.—1Ti 6:8

• ọle ida ha nọọn lẹn ẹmhọn ọtẹkhokho nin ene ewanlẹn zilo nyan. ​—1Ti 2:11, 12; 1Pe 4:15