Manman Gbe Obokhian Nin Ele

Manman gbe obokhian nin ẹbho nela? Ọrebhe ne vae bhi ikolo oga nesẹmhan​—ene vae ọsọhẹnhen bi ibhio mhan nekẹle. (Ro 15:7; Heb 13:2) Ọsabọ rẹ ha yi obhio mhan nọn nanbhi ẹbho ọbhebhe vae. Ọsabọ yẹ ha yi obhio mhan nọn iyẹ sasa bhi oga, aha rẹmiẹn ghe ọki manman bue nin mhan miẹn ọlen bhi ikolo oga kike. Ahamiẹn uwẹ nọn, ọi da be yẹẹ ẹ sade ẹbho ebhebhe manman gbe obokhian niẹn? (Mt 7:12) Bhiriọ, ọkhẹke nin uwẹ dọnmhegbe rẹ tuẹ ẹbho nẹga bhi ẹkẹ iKindọn Họọ ọkuẹsẹ a mun ikolo oga hẹn bi sade aki zobọ. Mhan ha lu ọnan, ọki ri oyẹẹ bi ọfure nọn ribhi ẹwẹ mhan tuẹn okhun. Ọ ki yẹ re ogẹn ji Jehova. (Mt 5:16) Asabọ miẹn mhan bha sabọ tuẹ ọrebhe ne vae bhi ikolo oga. Ọ arẹ ha yiriọ, mhan rebhe ha lu eka nin mhan ha sabọ lu, ọrebhe ki ha ghọnghọn.a

Ọiyi ẹghe iluemhin bii Ayere ọsi Uyumhin nọnsi Jesu ọkpa ọkhẹke nin mhan rẹ manman ha gbe obokhian nin ẹbho, ẹghe rebhe nọn. Ene vae bhi ikolo oga nesẹmhan ọsọhẹnhẹn ha daghe uwẹdẹ nin mhan rẹ re oyẹẹ man, ọ sabọ re ele gẹn Osẹnobulua yẹ vae dọ deba mhan bhi oga ẹmhọn-ata.​—Joh 13:35.