Rẹkpa Ele Ne Rẹ Ha Ga IJehova Ẹghe Rebhe

Ibhio mhan nan nanbhi otọ man ele ebi a rẹ re ọhubhudu tẹmhọn Osẹnobulua yẹ bi ebezẹle nọn da khẹke nan ha lu ọle ẹghe rebhe, ele kẹ kiẹn eria ne manman guẹ ebi a rẹ tẹmhọn Osẹnobulua yẹ. (Pr 22:6; Php 3:16) Ghe emhin eso nin uwẹ ha sabọ lu nin uwẹ rẹ rẹkpa ọria nin uwẹ man ọlẹn iBaibo rẹ sabọ ha lu iwẹnna itẹmhọn Osẹnobulua nọnsẹn:

• Nanbhi ukpẹdẹ nan re obọ bhọ nin ọria nin uwẹ man ọlẹn iBaibo ha deba agbotu tẹmhọn Osẹnobulua, munhẹn ha man ọlẹn ebi a rẹ lu ọle yẹ. (km 8/15 1) Taman ọlẹn ebezẹle nọn da khẹke nin ọle rẹ mhanmhanlẹn ghe, uzana ida gbera, ọle bha lu iwẹnna itẹmhọn Osẹnobulua. (Php 1:10) Ha taman ọlẹn emhin esili rẹji ẹbho ne ribhi idunmhun nin bha da tẹmhọn Osẹnobulua. (Php 4:⁠8) Taman ọlẹn nọn deba ọwanlẹn nọn sun usun nin bha rẹ tẹmhọn Osẹnobulua bi ibhio mhan ebhebhe wẹnna. Bhiriọ, ọle ki yẹ sabọ luẹ bhi obọ ele.—Pr 1:5; km 10/12 6 ¶3

  

• Ọria nin uwẹ man olẹn iBaibo ha rẹ gbegberuẹ bhi amẹn fo, sẹyẹ ha rẹkpa ọle. Sẹyẹ ha man ọlẹn ebi a rẹ lu iwẹnna itẹmhọn Osẹnobulua yẹ, manman nọn sade ọle bha sẹ luẹ ebe natiọle “Keep Yourselves in God’s Love” fo.—km 12/13 7

  

• Uwẹ bi ọria nọn la munhẹn ha lu iwẹnna itẹmhọn Osẹnobulua ha ko ha wẹnna, re uwedẹ nọn lẹkhẹ rẹ ha tẹmhọn Osẹnobulua man eria. Yẹ kaehọ nọnsẹn sade ọ ki sẹ ọle bhi egbe nọn rẹ tẹmhọn Osẹnobulua. Ọle ha ki tale fo, manman khuẹnmhẹn ọlẹn. Yẹ taman ọlẹn ebi ọkhẹke nin ọle lu, nin uwedẹ nin ọle rẹ tẹmhọn Osẹnobulua da mhẹn gbera beji ọye.—km 5/10 7